Son günlər cəmiyyətdə geyim mədəniyyəti və “şortik” mövzusu aktual mövzuya çevrilib. Bu mövzu ətrafında aparılan müzakirələrə Xalq artisti İlham Namiq Kamal da münasibət bildirib.
O, EDnews-a açıqlamasında məsələyə qadağa deyil, davranış və məkan mədəniyyəti prizmasından yanaşdığını deyib.
Xalq artisti açıqlamasında bildirib ki, hər bir xalqın öz adət-ənənəsi, ictimai davranış normaları və formalaşmış mədəni dəyərləri mövcuddur.
Onun sözlərinə görə, geyim məsələsinə sərt və qəti qadağalar prizmasından yanaşmaq düzgün deyil, lakin hər geyimin öz məkanı və şəraiti nəzərə alınmalıdır:
“Şortik geyinən insanlara qarşı neqativ münasibətim yoxdur. Gənclərin də, yaşlı insanların da seçim azadlığı var. Amma burada bir məqam var, hər geyimin öz yeri olmalıdır. Sanatoriyada, kurortda, istirahət məkanında, bağ evində və ya dəniz kənarında şortik geyinmək tamamilə normal və rahat seçimdir”.
Xalq artisti qeyd edib ki, ictimai və rəsmi mühitlərdə isə geyimə münasibət fərqli olmalıdır:
“Universitet auditoriyasına, dövlət qurumuna, rəsmi görüşə və ya tədbirə uyğun geyimlə gəlmək mədəniyyət göstəricisidir. Burada Avropadan və ya başqa ölkələrdən söhbət getmir. Azərbaycan kifayət qədər sivil ölkədir və insanlar harada necə davranmalı olduqlarını bilməlidirlər”.
İlham Namiq Kamal hesab edir ki, məsələ geyimin özündə deyil, insanın dünyagörüşü və aldığı tərbiyədədir:
“Heç kimə küçədə necə geyinməsini diktə etmək olmaz. Bu, insanın şəxsi seçimidir. Amma hər bir insan harada necə görünməli olduğunu özü müəyyən etməlidir. Mən özüm də istirahətdə şortik geyinirəm. Amma auditoriyaya, tədbirə və ya müsahibəyə həmin formada çıxmağı doğru hesab etmirəm”.
Xalq artistinin fikrincə, son dövrlər cəmiyyətdə bəzi hallarda ölçü və əndazə anlayışı zəifləyib:
“Hər dövrün, hər məkanın öz qaydası olur. Şəhərə uyğunlaşmaq geyimlə deyil, dünyagörüşü, davranış və mədəniyyətlə ölçülməlidir”.
Xalq artisti İlham Namiq Kamal həmçinin bildirib ki, hər bir xalqın öz adət-ənənəsi, ictimai davranış normaları və formalaşmış mədəni dəyərləri mövcuddur.
Onun sözlərinə görə, geyim məsələsinə sərt və qəti qadağalar prizmasından yanaşmaq düzgün deyil, lakin hər geyimin öz məkanı və şəraiti nəzərə alınmalıdır:
“Şortik geyinən insanlara qarşı neqativ münasibətim yoxdur. Gənclərin də, yaşlı insanların da seçim azadlığı var. Amma burada bir məqam var, hər geyimin öz yeri olmalıdır.
“Universitet auditoriyasına, dövlət qurumuna, rəsmi görüşə və ya tədbirə uyğun geyimlə gəlmək mədəniyyət göstəricisidir. Burada Avropadan və ya başqa ölkələrdən söhbət getmir".
İlham Namiq Kamal hesab edir ki, məsələ geyimin özündə deyil, insanın dünyagörüşü və aldığı tərbiyədədir:
“Heç kimə küçədə necə geyinməsini diktə etmək olmaz. Bu, insanın şəxsi seçimidir. Amma hər bir insan harada necə görünməli olduğunu özü müəyyən etməlidir. Mən özüm də istirahətdə şortik geyinirəm. Amma auditoriyaya, tədbirə və ya müsahibəyə həmin formada çıxmağı doğru hesab etmirəm”.
Onun sözlərinə görə, bəzi hallarda insanlar şəhər mühitinə uyğunlaşmanı yalnız geyim üzərindən qiymətləndirirlər:
“Bəzən ucqar bölgələrdən şəhərə gələn insanlar arasında belə bir yanaşma müşahidə olunur ki, müasir görünmək yalnız müəyyən geyim seçimləri ilə mümkündür. Halbuki əsas məsələ geyim deyil, davranış, dünyagörüşü və məkan mədəniyyətidir. Burada müəyyən mənada əndazə pozulur”.
.png)
