UVB-76 radiostansiyası yeni mesaj yayımlayıb.
EDnews xəbər verir ki, bu barədə radiostansiyanın fəaliyyətini izləyən “UVB-76 logları” adlı teleqram kanalı məlumat yayıb.
Məlumata görə, yeni mesaj Moskva vaxtı ilə saat 10:50-də efirə verilib.
Mesajda “NJTI 87076 OŞUPIVANİYE 4068 5547” ifadəsinin səsləndiyi bildirilir.
Qeyd olunur ki, bundan əvvəl “Qiyamət günü radiostansiyası” iyunun 15-də efirə çıxıb. Həmin vaxt UVB-76 üç mesaj yayımlayıb. Birinci mesajda “karandaş”, ikinci mesajda “plitsa”, daha sonra isə “slomolun” sözləri səsləndirilib.
UVB-76 1970-ci illərdə yaradıldığı bildirilən hərbi radiostansiyadır. O, əsasən qısa uğultu siqnalı yayımladığı üçün qeyri-rəsmi olaraq “Jujjalka” adı ilə tanınır.
Bəzi məlumatlara görə, radiostansiya SSRİ dövründə, Soyuq müharibə illərində yaradılmış rabitə sisteminin bir hissəsi ola bilər və hazırda da Rusiya tərəfindən istifadə edilir.
Bundan əvvəl internet istifadəçilərindən biri “Qiyamət günü radiosu”nun şifrəli mesajını açmağa çalışıb.
.jpg)
