İsrailin Baş naziri Benjamin Netanyahu ölkəsinin təhlükəsizliyini təmin edən təhlükəsizlik zonasında qalmağa davam edəcəyini bəyan edib.
EDnews xəbər verir ki, Netanyahu bunun İsrail üçün böyük uğur olduğunu vurğulayaraq, ölkəsinin müxtəlif təzyiqlərə baxmayaraq həmin ərazini tərk etmədiyini bildirib.
“İsrail təhlükəsizliyimizi təmin edən təhlükəsizlik zonasında qalmağa davam edəcək. Bu, böyük uğurdur. Bizi hər cür təzyiqlə bu bölgədən çıxarmağa çalışdılar, lakin buna nail ola bilmədilər”, - deyə Baş nazir qeyd edib.
O, həmçinin ABŞ Prezidenti Donald Tramp və ABŞ dövlət katibi Marko Rubioya göstərdikləri dəstək və töhfələrə görə təşəkkürünü bildirib.






