Türkiyənin xarici işlər naziri Hakan Fidan Ankaranın Rusiya-Ukrayna münaqişəsinin tezliklə başa çatdırılması istiqamətində səyləri dəstəklədiyini bildirib.
EDnews xəbər verir ki, nazirin sözlərinə görə, Türkiyə münaqişəyə son qoymaq məqsədilə Russia və Ukraine nümayəndə heyətlərini qəbul etməyə hazırdır.
"Türkiyə tez bir zamanda münaqişəyə son qoymaq üçün Ukrayna və Rusiya nümayəndə heyətlərini qəbul etməyə hazırdır. Türkiyə münaqişənin tez bir zamanda başa çatmasını dəstəkləyir", – deyə Hakan Fidan vurğulayıb.
Qeyd edək ki, Türkiyə müharibənin başlanmasından etibarən tərəflər arasında vasitəçilik təşəbbüsləri ilə çıxış edir.
