Yaponiyanın Koka şəhərində Koka-ryu məktəbinin rəsmi ninja sertifikatını almaq üçün növbəti imtahanlar keçirilib.
EDnews xəbər verir ki, Yaponiyanın Koka şəhərində artıq 18-ci dəfə Koka-ryu məktəbinin rəsmi ninja sertifikatını almaq üçün imtahan təşkil olunub.
Bu il sınaqlarda iştirak etmək üçün 9-dan 76 yaşadək 131 nəfər müraciət edib.
İştirakçılar təkcə Yaponiyanın müxtəlif prefekturalarından deyil, həmçinin Sinqapur və Honkonqdan da Koka şəhərinə gəliblər.
İmtahanlar üç səviyyədən ibarətdir.
Hər üç mərhələdə iştirakçılar üçün yazılı test nəzərdə tutulub.
Yeni başlayanlar üçün baza səviyyəsində nəzəri biliklərlə yanaşı, ninja kostyumu və şuriken adlanan metal ulduzcuqları atmaq bacarığı da qiymətləndirilir.
Orta səviyyədə namizədlərdən Koga klanının tarixi və ənənələri barədə daha dərin bilik tələb olunur.
Ən yüksək, yəni peşəkar mərhələdə isə iştirakçılar əlavə olaraq çətinləşdirilmiş xüsusi yazılı imtahan verirlər.
Qeyd olunur ki, Koka şəhərində keçirilən bu imtahanlar Yaponiyanın tarixi döyüş ənənələrinin qorunması və tanıdılması baxımından maraq doğurur.
