Axtarışlar nəticəsində dalğıc-xilasedicilər tərəfindən 2007-ci il təvəllüdlü Əbdülov Elmar İsa oğlunun meyiti suda tapılıb çıxarılaraq aidiyyəti üzrə təhvil verilib.
EDnews xəbər verir ki, bu barədə Fövqəladə Hallar Nazirliyinin Mətbuat xidmətindən bildirilib.
Digər şəxs - 2003-cü il təvəllüdlü Məcidov Pərviz Zöhrab oğlunun axtarışları davam etdirilir.
Əlavə məlumat veriləcək.
***
15:24
Mərdəkanda dənizin nəzarətsiz hissəsində 4 nəfərin batdığı bildirilir.
EDnews xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, məlumat daxil olduqdan dərhal sonra FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunublar.
Hazırda dalğıc-xilasedicilər tərəfindən vətəndaşların batdığı ehtimal olunan istiqamətlər üzrə axtarış-xilasetmə işləri davam etdirilir.
Hadisə ilə bağlı əlavə məlumat veriləcək.
***
15:35
Mərdəkanda dənizin nəzarətsiz hissəsində batan şəxslərlə bağlı yeni məlumat açıqlanıb.
EDnews xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, həyata keçirilən axtarış-xilasetmə tədbirləri nəticəsində 1991-ci il təvəllüdlü Əzimov Namiq İsabala oğlunun və 2005-ci il təvəllüdlü Əbdülov Elnur İsa oğlunun meyitləri suda tapılaraq çıxarılıb və aidiyyəti üzrə təhvil verilib.
Hazırda digər vətəndaşlar - 2003-cü il təvəllüdlü Məcidov Pərviz Zöhrab oğlunun və 2007-ci il təvəllüdlü Əbdülov Elmar İsa oğlunun axtarışları dalğıc-xilasedicilər tərəfindən davam etdirilir.
FHN hadisə ilə bağlı əlavə məlumat veriləcəyini bildirib.
