ABŞ-də həyat yoldaşına qarşı “sehr” etdirmək üçün cadugərə müraciət edən kişi arvadının qətlində təqsirli bilinib.
EDnews xəbər verir ki, 44 yaşlı Larri Millet münsiflər heyəti tərəfindən birinci dərəcəli qətldə günahkar hesab edilib.
Onun həyat yoldaşı, üç uşaq anası Maya Millet 2021-ci il yanvarın 7-də Havayda itkin düşüb. Qadının cəsədi bu günədək tapılmayıb.
Məhkəmə materiallarına görə, Larri itkinlikdən bir neçə ay əvvəl nikahını xilas etmək ümidi ilə cadugərə müraciət edib və müxtəlif “sehrlər” üçün 11 min dollardan çox pul ödəyib. Daha sonra isə arvadını “zərərsizləşdirmək” üçün kömək istəyib.
Prokurorluğun iddiasına görə, Larri həyat yoldaşının maliyyəsinə nəzarət edib və onun yerini izləyib. Qadının itkin düşməsindən sonra isə onun cadugərlərlə əlaqəsi dayanıb.
Məhkəmə qərarından sonra Larrini ömürlük həbs cəzası gözləyir. Maya Milletin ailəsi isə onun cəsədinin tapılması və dəfn edilməsi üçün axtarışların davam etdiriləcəyini bildirib.
