“Qarabağ”ın UEFA Avropa Liqasının II təsnifat mərhələsindəki potensial rəqibi bəlli olub.
EDnews xəbər verir ki, bu barədə UEFA-nın saytında məlumat yer alıb.
Ağdam təmsilçisi Avropa Liqasının I təsnifat mərhələsində İslandiyanın “Vestri” komandasını mübarizədən kənarlaşdıracağı halda növbəti mərhələdə ÇSKA Sofiya – “Derri Siti” cütünün qalibi ilə qarşılaşacaq.
Bolqarıstan təmsilçisi ÇSKA Sofiya ilə İrlandiyanın “Derri Siti” komandası arasında keçiriləcək cütün qalibi “Qarabağ”ın II təsnifat mərhələsindəki rəqibi olacaq.
Qeyd edək ki, UEFA Avropa Liqasının II təsnifat mərhələsinin oyunları 23 və 30 iyul tarixlərində keçiriləcək.
Bundan başqa, “Qarabağ” Avropa Liqasının I təsnifat mərhələsində “Vestri”yə uduzacağı halda mübarizəni UEFA Konfrans Liqasında davam etdirəcək. Bu halda Azərbaycan çempionu Konfrans Liqasının II təsnifat mərhələsində “Qlentoran” (Şimali İrlandiya) – RFS (Latviya) cütünün qalibi ilə üz-üzə gələcək.
