"Azərbaycan Kinematoqrafçılar İttifaqının (AKİ) ən yaşlı üzvlərindən biriyəm.
Bütün sədrlərin seçilməsində iştirak etmişəm".
Bu fikirləri EDnews-a açıqlamasında ssenari müəllifi və kino redaktoru, Azərbaycan SSR əməkdar jurnalisti Nadejda Vasilyevna İsmayılova qeyd edib.
O əlavə edib ki, Əli İsa Cabbarovun İttifaqa sədr seçkisində üstünlük qazanması gözəl hadisədir:
"Cabbarov kinonu yaxşı bilən ən layiqli insanlardan biridir. Uzun illərdir bu sahədədir, peşəsini və kinonu çox sevir. O, bu sahədə müəyyən yeniliklər və inkişaf yarada biləcək. Çünki indi ona çox ağır və məsuliyyətli bir iş tapşırılıb. Həqiqətən də çox çətin bir vəzifədir".
Qeyd edək ki, bu gün Azərbaycan Kinematoqrafçılar İttifaqının (AKİ) yeni sədr seçkisi keçirilib.
Aytac Kərimova | EDnews







