Azərbaycan çempionu Qarabağ FK heyətini növbəti futbolçu ilə gücləndirib.
EDnews xəbər verir ki, klubun mətbuat xidmətinin yaydığı məlumata görə, Rusiyanın Pari Nijni Novqorod komandası ilə aparılan danışıqlar uğurla başa çatıb və yamaykalı futbolçu Renaldo Cephas Ağdam təmsilçisinə transfer olunub.
Cinah vingeri və mərkəz hücumçusu mövqelərində çıxış edən 26 yaşlı futbolçu ilə üçillik müqavilə imzalanıb. Müqaviləyə əsasən, Renaldo Sefas 2029-cu ilin yayına qədər "Qarabağ"ın formasını geyinəcək.
Karyerası ərzində Yamaykanın Arnett Gardens FC, Şimali Makedoniyanın FK Shkupi və Türkiyənin MKE Ankaragücü klublarında çıxış edən futbolçu 2025-ci ilin yayında Rusiya təmsilçisinə transfer olunmuşdu.
2023-cü ildən Yamayka milli futbol komandasının üzvü olan Sefas milli komandanın heyətində keçirdiyi 21 oyunda 1 qol vurub. O, həmçinin 2024-cü ildə CONCACAF Nations League turnirinin bürünc mükafatçısı olub.
Qeyd edək ki, Renaldo Sefas yay transfer pəncərəsində "Qarabağ"ın altıncı transferidir. Bundan əvvəl Jali Muaddib, Zakaria Savo, Samuel Lobato, Bruno Lanqa və Martin Zlomisliç komandaya qoşulublar.







