Kreml Ukrayna Prezidenti Volodimir Zelenskinin Rusiya Prezidenti Vladimir Putinə ünvanladığı açıq məktubla bağlı açıqlama yayıb.
EDnews xəbər verir ki, Kremlin sözçüsü Dmitri Peskov Putinin Zelenskinin məktubu barədə məlumatlandırıldığını bildirib. Onun sözlərinə görə, Rusiya lideri məktubun məzmunu ilə tanışdır. Reuters-in məlumatına görə, Peskov Putinin bu mövzuya Sankt-Peterburq Beynəlxalq İqtisadi Forumundakı çıxışı zamanı toxuna biləcəyini də istisna etməyib.
Qeyd edək ki, Zelenski iyunun 4-də Putinə açıq məktub ünvanlayıb. Məktubda Ukrayna lideri müharibənin başa çatdırılması yollarının müzakirəsi üçün neytral ölkədə birbaşa görüş keçirilməsini təklif edib. "AP"-nin məlumatına əsasən, görüş üçün mümkün məkanlar sırasında İsveçrə, Türkiyə və ərəb ölkələrinin adı çəkilib.
Zelenski məktubunda danışıqlar müddətində tam atəşkəsin elan olunmasına çağırıb. O, həmçinin Ukraynanın “hamının hamıya” prinsipi əsasında əsir mübadiləsinə hazır olduğunu bildirib. Məktubda mülki şəxslərin və uşaqların geri qaytarılması məsələsi də xüsusi vurğulanıb.
Ukrayna Prezidenti beynəlxalq tərəfdaşların, xüsusilə ABŞ və Avropa ölkələrinin prosesdə iştirakını vacib saydığını qeyd edib. Onun fikrincə, gələcək təhlükəsizlik təminatları məhz beynəlxalq tərəfdaşların iştirakı ilə formalaşdırılmalıdır.
.png)
.png)
.png)
.png)
.png)
