Göygöl rayonunda qeyri-sabit hava şəraiti ciddi fəsadlara yol açıb.
EDnews xəbər verir ki, bu gün intensiv yağan yağışlardan sonra rayonun Topalhəsənli kəndinə güclü sel gəlib.
Təbii fəlakət nəticəsində kəndin yol infrastrukturuna ciddi ziyan dəyib. Sel suları əkin sahələrinin bir hissəsini su altında qoyaraq sıradan çıxarıb.
İlkin məlumatlara görə, rayonda hökm sürən əlverişsiz hava şəraiti ətrafdakı digər kəndlərdə də fəsadlar törədib.
Hazırda Gəncə və ətraf bölgələrdə yağıntılı hava şəraiti davam edir.
