İsrailin Baş naziri Benyamin Netanyahu İranla bağlı yeni bəyanat verib.
EDnews “Gazeta.ru”ya istinadən xəbər verir ki, Netanyahu İsrail hökumətinə rəhbərlik etdiyi müddətdə İranın nüvə silahı əldə etməsinə imkan verməyəcəyini bildirib.
Onun sözlərinə görə, İsrail və ABŞ bu məsələdə eyni mövqedən çıxış edir.
Netanyahu qeyd edib ki, o, 30 ildən artıqdır İranın nüvə proqramına qarşı beynəlxalq mübarizənin önündə dayanır.
Baş nazir iddia edib ki, əgər bu mübarizə aparılmasaydı, İran artıq İsrailə qarşı istifadə etmək üçün nüvə silahına sahib ola bilərdi.
Netanyahu həmçinin İranın İsrail dövlətini məhv etməyə çalışdığını bildirib və bu planların qarşısını almaq üçün fəaliyyətini davam etdirəcəyini vurğulayıb.







