İranın Ali Milli Təhlükəsizlik Şurası (SNSC) İsrailin Livana yenidən hücumları fonunda münaqişənin həlli ilə bağlı ABŞ ilə dialoqu davam etdirmək qərarına gəlib.
EDnews "TASS" a istinadən xəbər verir ki, bu barədə İran Prezidenti Məsud Pezeşkian bildirib.
Prezident qeyd edib ki, hazırda bir çox media orqanı keçmiş Ali Lider Əli Xameneinin ABŞ ilə danışıqların qəbuledilməzliyi ilə bağlı açıqlamalarını dərc edir. Lakin prezidentin sözlərinə görə, o, bir dəfə bu məsələni Xamenei ilə şəxsən müzakirə edib və "o zaman danışıqların ləyaqətli şərtlər altında keçirilməsinə və davam etdirilməsinə icazə verib".
İran prezidenti həmçinin əlavə edib ki, Tehran son hadisələrə baxmayaraq qonşu ölkələrlə yaxşı münasibətləri bərpa edə bilib.
"Xoşbəxtlikdən, ölkənin son həftələrdəki diplomatik səylərinin əksəriyyəti müsbət nəticələr verib və Fars körfəzi ölkələri ilə bir çox problem və anlaşılmazlıqlar həll olunmaq üzrədir", - Pezeşkian deyib.
