Lənkəran Dövlət Dram Teatrının aktrisası, əməkdar artist Zemfira Nəcəfova vəfat edib.
Ednews xəbər verir ki, bu barədə Lənkəran Dövlət Dram Teatrının mətbuat xidmətindən məlumat verilib.
Aktrisanın bu gün vəfat etdiyi bildirilib.
Qeyd edək ki, Zemfira Musabala qızı Nəcəfova 1950-ci ildə Bakı şəhərində anadan olub. 1975-ci ildə M.A.Əliyev adına Azərbaycan Dövlət İncəsənət İnstitutunu bitirib və həmin ildən N.B.Vəzirov adına Lənkəran Dövlət Dram Teatrında aktrisa kimi çalışır. O, burada yüzdən artıq rolu canlandırıb.
