"Çiçəklənən Ermənistan" partiyasının lideri Qaqik Tsarukyan saxlanılıb və Ermənistanın İstintaq Komitəsinə aparılıb.
EDnews xəbər verir ki, bu barədə Ermənistan mediası partiyanın mətbuat katibi İveta Tonoyana istinadən məlumat yayıb.
Onun sözlərinə görə, siyasətçi evində axtarışlar aparıldıqdan sonra saxlanılıb. O, həmçinin Tsarukyanın Tsaxkadzordakı hotellərinin möhürləndiyini bildirib.
Tsarukyanın vəkili Yerem Sarqsyan müvəkkilinin saxlanıldığını və ehtiyat tədbirinin, o cümlədən mümkün həbs qətimkan tədbirinin seçilməsi məsələsinə baxılması üçün yaxın vaxtlarda məhkəməyə aparılacağını təsdiqləyib.
Qeyd edək ki, bundan əvvəl Ermənistanda hüquq-mühafizə orqanlarının əməkdaşları 10-dan çox cinayət işinin istintaqı çərçivəsində 70-dən çox ünvanda axtarış aparıblar. Xüsusilə, Tsarukyanın evində, eləcə də ona məxsus bir sıra şirkətlərdə axtarışlar aparılıb.
