ABŞ Senatının bir qrup üzvü Rusiyaya qarşı sanksiyaların sərtləşdirilməsini nəzərdə tutan qanun layihəsinin irəli sürülməsi ilə bağlı Ağ Evlə razılıq əldə olunduğunu bəyan edib.
EDnews xəbər verir ki, bunu həm Respublikaçılar, həm də Demokratlar Partiyasını təmsil edən senatorlar Janna Şahin, Riçard Blumental, Rocer Viker və birgə yazılı açıqlamalarında bildiriblər.
Senatorların sözlərinə görə, Tramp administrasiyası ilə yenilənmiş sanksiyalar paketinin Konqresə təqdim olunması barədə razılıq əldə edilib və qanun layihəsinin yaxın vaxtlarda Senatın müzakirəsinə çıxarılması planlaşdırılır.
Sözügedən qanun layihəsi ilk dəfə 2025-ci ilin aprelində Senatın ikipartiyalı qrupu tərəfindən təqdim olunub. Layihənin əsas müəllifləri Lindsi Qraham və Riçard Blumental hesab olunur.
Təklifə əsasən, Rusiyadan neft, təbii qaz, uran və digər məhsullar alan ölkələrə qarşı ikinci dərəcəli sanksiyaların tətbiqi nəzərdə tutulur. Həmçinin həmin ölkələrdən ABŞ-yə idxal edilən mallara 500 faizədək gömrük rüsumunun tətbiqi də təklif edilir.
Bununla yanaşı, respublikaçı senator daha əvvəl "Responsible Statecraft" portalında dərc olunan məqaləsində xəbərdarlıq etmişdi ki, qanun layihəsinin qəbul edilməsi ən çox ABŞ iqtisadiyyatına və ölkənin strateji maraqlarına zərər vura bilər.
ABŞ-nin maliyyə naziri isə bu ilin yanvarında administrasiyanın qanun layihəsini zəruri hesab etmədiyini bildirmişdi. Onun sözlərinə görə, ABŞ Prezidenti Rusiyaya qarşı sanksiyalar tətbiq etmək üçün artıq kifayət qədər səlahiyyətə malikdir.
