Minifutbol üzrə dünya çempionatında həyəcan dolu dörddəbir final mərhələsi start götürür. Turnirin gərgin və dramatik keçən 1/8 final qarşılaşmalarından sonra Azərbaycan millisi növbəti mərhələyə yüksəlib və indi daha ciddi sınaq qarşısındadır.

EDnews xəbər verir ki, seçmə komandamız Rumıniya ilə əsas vaxtı 1:1 hesablı bərabərliklə başa çatan oyunun penaltilər seriyasında inamlı qələbə qazanaraq adını 1/4 finala yazdırıb. Millimizin növbəti rəqibi isə İngiltərə olacaq.

Dörddəbir finalda bu cütlüklər mübarizə aparacaq:

Macarıstan – Mavritaniya
Monteneqro – Çexiya
İngiltərə – Azərbaycan
Bosniya və Herseqovina – Serbiya

Qarşılaşmaların yüksək tempdə və maraqlı keçəcəyi gözlənilir. Xüsusilə Azərbaycan – İngiltərə oyunu azarkeşlər üçün diqqət mərkəzindədir. Millimizin turnirdəki qətiyyətli çıxışı futbol ictimaiyyətində böyük ümidlər yaradıb.

Qeyd edək ki, minifutbol üzrə dünya çempionatına iyunun 1-də yekun vurulacaq və həmin gün dünya çempionu adına sahib çıxacaq komanda bəlli olacaq.

Azərbaycan yığmasına bu mərhələdə uğurlar arzulayırıq!

Fatima Şükürova // EDnews