Dünyada əksər qadınlar hicaba görə qısnamalara məruz qalır.
“EDnews” xəbər verir ki, bunu Belçika Müsəlman Şurasının sədri Esma Uçan Bakıda "İslamofobiya diqqət mərkəzində: Qərəzin ifşası, stiqmaların dağıdılması" mövzusunda keçirilən beynəlxalq elmi konfransı zamanı panel müzakirəsində deyib.
Onun sözlərinə görə, dünyanın bütün ölkələrində müsəlman qadınların qısnamalara məruz qalır:
"Belçikada yüzlərlə müəllimi geyiminə görə sistemdən təcrid edirlər. Bəzi qadınlar inanclarına görə məhdudiyyətlə qarşılaşır. Halbuki din azadlıq deməkdir. Hökumət müsəlmanları təhdid kimi deyil, dost olaraq görməlidir. Baş örtüyü olan xanımlar hələ də özünə iş tapmaqda çətinlik çəkir. Biz bu stereotiplərə qarşı birgə mübarizə aparmalıyıq. Qadınlar birlik olmalı və bu sahədə irəli getməlidir".
