Bakıda Bakı Təşəbbüs Qrupunun təşkilatçılığı ilə “Media və dekolonizasiya: yüksələn səslər, güclənən narrativlər” mövzusunda beynəlxalq konfrans keçirilir.
EDnews xəbər verir ki, konfrans müstəmləkə ərazilərini təmsil edən media nümayəndələrinin iştirakı ilə Azərbaycanda təşkil olunan ilk belə platformadır.
Tədbirdə keçmiş və indiki müstəmləkə ərazilərini təmsil edən media qurumlarının rəhbərləri və nümayəndələri, jurnalistlər, siyasi şərhçilər, diaspor təşkilatlarının təmsilçiləri, media və kommunikasiya ekspertləri, tədqiqatçılar, diplomatlar, dövlət qurumlarının və yerli medianın nümayəndələri iştirak edirlər.
Konfrans çərçivəsində neokolonial istismara məruz qalan xalqların və etnik azlıqların səsinin beynəlxalq informasiya məkanında gücləndirilməsində medianın rolu, dezinformasiya ilə mübarizə, süni intellekt alətlərinin tətbiqi, həmçinin jurnalistlər arasında beynəlxalq əməkdaşlıq və koordinasiya məsələləri müzakirə olunur.
Aysel Hacıyeva | EDnews
