Fransanın iqtisadiyyat və maliyyə naziri Erik Lombard Donald Trampın ABŞ hüdudlarından kənarda istehsal olunan avtomobillərə 25 faiz vergi tətbiq etmək qərarına Amerika məhsullarına gömrük tariflərinin artırılması ilə cavab verməli olacaqlarını söyləyib.

EDnews xəbər verir ki, nazir “Ya buna icazə verəcəyik, ya da cavab verəcəyik, - deyə bildirib.

"Danışıqlar aparan Avropa Birliyidir və yeganə həll yolu azalmağa nail olmaq üçün Amerika məhsullarına gömrük tariflərini artırmaq olacaq. Biz hücuma məruz qalmış vəziyyətdəyik", - deyə E. Lombard “France Inter” radiosuna açıqlamasında söyləyib.

ABŞ Prezidenti Donald Tramp xarici avtomobillərə 25 faiz dəyərində yeni tariflərin aprelin 2-dən qüvvəyə minəcəyini açıqlayıb. Onun müşavirlərindən biri bildirib ki, bu, həmin mallar üzrə mövcud gömrük rüsumlarına əlavədir. İndiyə qədər tətbiq olunan dərəcə 2,5 faiz idi.

Fransanın iqtisadiyyat və maliyyə naziri Trampın açıqlamasını çox pis xəbər və işbirliyi olmayan hərəkət kimi xarakterizə edib. O, ümid edir ki, müzakirələr gərginliyin azalmasına kömək edə bilər. “Ümid edirəm ki, aprelin ortalarına qədər dialoq apara bilərik, lakin buna amerikalılar qərar verəcək",- deyə nazir əlavə edib.

“Bizim qitəmizdə müharibə vəziyyəti var və amerikalı müttəfiqimiz kəskin şəkildə iqtisadi siyasətini dəyişir. İqtisadiyyatlarımızı çətinliyə salacaq bu tarif müharibəsinə son qoymalıyıq", - deyə o, fikrini yekunlaşdırıb.

Fatimə Şükürova // EDnews