DÇ-2026-nın 1/8 final mərhələsində Fransa və Paraqvay yığmaları arasında keçiriləcək oyunda kəskin istilərin təsir göstərəcək.
EDnews xəbər verir ki, bu barədə “Reuters” məlumat yayıb.
Məlumata əsasən, qarşılaşma iyulun 5-də Filadelfiyada “Lincoln Financial Field” stadionunda baş tutacaq.
Meteoroloji proqnozlara görə, oyun zamanı temperaturun 38 dərəcəyə çatacağı gözlənilir.
Yüksək rütubət səbəbindən hava şəraitinin futbolçular və azarkeşlər üçün əlavə çətinlik yaradacağı ehtimal olunur.
Fransa millisinin baş məşqçisi Didye Deşam matçdan əvvəl keçirdiyi mətbuat konfransında istinin oyuna təsir edə biləcəyini bildirib. Onun sözlərinə görə, komandalar belə şəraitə əvvəlcədən hazırlaşıblar və bu amil hər iki tərəf üçün eyni olacaq.
“Bu, amildir, biz bunu bilirdik. Bütün komandalar buna hazırlaşıb. Bəli, təsir göstərə bilər, amma konkret olaraq yalnız bizə yox. İstiyə həddindən artıq fokuslanmıram, bu, sadəcə amillərdən biridir”, - deyə Deşam bildirib.
Fransa millisi əvvəlki mərhələdə İsveçi 3:0 hesabı ilə məğlub edib. Görüşdə Kilian Mbappe dubl edib, daha bir qolu isə Bredli Barkola vurub. Paraqvay isə 1/16 finalda Almaniyanı penaltilər seriyasında məğlub edərək mərhələ adlayıb.
ABŞ mediasının yazdığına görə, Filadelfiyadakı oyun mundialın ən isti qarşılaşmalarından biri ola bilər. Stadion ətrafında azarkeşlərin təhlükəsizliyi üçün sərinləmə çadırları və xüsusi tədbirlər nəzərdə tutulub.
