Türk Dünyası Bələdiyyələr Birliyinin (TDBB) növbəti yeddinci qurultayı baş tutub.
“EDnews” xəbər verir ki , TDBB-nin İdarə heyətinin üzvü, Azərbaycan Şəhər Bələdiyyələri Milli Assosiasiyasının və Nərimanov bələdiyyəsinin sədri Təmraz Tağıyev bildirib ki, 30 ölkədən 1235 nəfər bələdiyyə nümayəndəsinin iştirak etdiyi qurultay Türkiyə Böyük Millət Məclisinin sədri Numan Qurtulmuşun tədbir iştirakçılarına videomüraciəti ilə başlayıb.
Qurultayın idarə edilməsi üçün seçilən Rəyasət heyətinin tərkibində Azərbaycan nümayəndə heyətinin rəhbəri Təmraz Tağıyev də olub.
Tədbirdə TDBB-nin Prezidenti Konya Böyükşəhər bələdiyyəsinin sədri Uğur İbrahim Altayın proqram xaraketerli çıxışı ilə diqqəti çəkib. TDBB -nin prezidenti çıxışında bildirib ki, "Prezident Rəcəb Tayyib Ərdoğanın rəhbərliyi ilə yaradılmış və Azərbaycan, Qazaxıstan, Qırğızıstan və Özbəkistan prezidentlərinin iştirakı ilə yaradılmış Türk Dövlətləri Təşkilatı Prezidentimizin uzaqgörən rəhbərliyi və üzv dövlət başçılarının hörmətli töhfəsi sayəsində təkcə regional həmrəylik deyil, həm də qlobal səviyyədə səmərəli əməkdaşlıq modeli nümayiş etdirmişdir."
TDBB-nin baş katibi Fəxri Solak qurumun ötən dövrdəki fəaliyyətinə, həyata keçirdikləri layihələri barəsində hesabat xarakterli çıxış edib. Fəxri Solakın çıxışında diqqəti çəkən əsas məqam Şimali Kipr Türk Cumhuriyyəti ilə Azərbaycan Şəhər Bələdiyyələri Milli Assosiasiyası ilə əməkdaşlıq əlaqələrinin qurulması məsələsinə böyük önəm verildiyini bildirib.
Bəzi TBMM üzvlərinin və bir sıra ölkə nümayəndəsi ilə yanaşı müzakirələrdə iştirak edən Azərbaycan Şəhər Bələdiyyələri Milli Assosiasiyasının və Nərimanov bələdiyyəsinin sədri Təmraz Tağıyev qeyd edib ki, tarixi dostluq, qarşılıqlı etimad, səmimi münasibətlər bu iki dövlətin yerli özünüidarəetmə orqanları arasında daima inkişaf edib və bundan sonrada edəcək. Bu gün Azərbaycan-Türkiyə əlaqələri daim möhkəmlənməkdədir. Ulu öndər Heydər Əliyevin bir millət, iki dövlət olaraq xarakterizə etdiyi Azərbaycan-Türkiyə dövlətləri arasındakı münasibətlər bu gün də məqsədyönlü düzgün şəkildə həyata keçirilir. Hazırda siyasi müstəvidə ölkələrimiz arasında yüksək səviyyədə münasibətlər formalaşıb.
Sədr Türkiyə-Azərbaycan dostluğunun əsrlər boyu yaşayacağını, tarixi köklərlə bir birinə bağlı olan Türkiyə və Azərbaycan münasibətlərinin qardaşlıq prinsiplər əsasında qurulduğunu bildirib.
Təmraz Tağıyev həmçinin bundan sonra da Azərbaycan bələdiyyələrinin TDBB-nin işində yaxından iştirak etməklə öz töhfəsini verməyə hazır olduğunu qeyd edib.
Qurultayın yekununda yeni tərkibdə TDBB - nin İdarə heyəti formalaşıb. Uğur İbrahim Altay yenidənTDBB -nin Prezidenti seçilib. İdarə heyətinin tərkibində ölkəmizi üçüncü dəfə Azərbaycan Şəhər Bələdiyyələri Milli Assosiasiyasının və Nərimanov bələdiyyəsinin sədri Təmraz Tağıyev təmsil edəcək.
Əlavə edək ki, təbbirdən bir gün əvvəl bir sıra bələdiyyə sədrlərinin də iştirak etdiyi Azərbaycan nümayəndə heyəti İstanbul şəhərində Türk Dünyası Bələdiyyələr Birliyinin inzibati binasını ziyarət edərək TDBB-nin baş katibi Fəxri Colakla görüşmüşlər.
Görüşdə ikitərəfli əlaqələrin bundan sonrakı dövrdə inkişaf etdirilməsi ətrafında fikir və mülahizələri müzakirə olunub.
Fatimə Mərdanlı //EDnews
