Bu ilin əvvəlindən Türkiyədə 29 mindən çox qeyri-leqal miqrant saxlanılıb. Eyni zamanda, 2020-ci ildən bəri bu rəqəm 1 milyon 80 min nəfər həddinə yaxınlaşıb.
“EDnews” xəbər verir ki , nazirliyin məlumatına görə, saxlanılan miqrantların ən çoxu Əfqanıstandandır. Daha sonra Suriya vətəndaşları gəlir.
Bundan əlavə, 2020-ci ildən qeyri-leqal miqrasiyanın təşkili ilə məşğul olan 2169 nəfər saxlanılıb.
Daxili İşlər Nazirliyi Türkiyədə qalmasına icazə verilən əcnəbi vətəndaşların statistikasını da açıqlayıb.
Bu ilin mart ayının ortalarına olan məlumata görə, Türkiyədə 1 milyon 76 min 643 əcnəbiyə yaşamaq icazəsi verilib ki, onlardan 84 min 85-i Azərbaycan vətəndaşıdır.
Fatimə Mərdanlı // EDnews
