Ermənistan parlamentinin keçmiş sədr müavini Eduard Şarmazanov deyib ki, Nikol Paşinyan tezliklə bəyan edəcək ki, Türkiyə Ermənistanı xarici təhdidlərdən müdafiə edir. O, qeyd edib ki, Rusiyadan hər hansı bir məmur Ermənistan Konstitusiyasının dəyişdirilməsini təklif etsəydi, hakimiyət nümayəndələri, xalq necə hiddətlənərdi? İndi isə İlham Əliyev bu tələbi irəli sürüb. Bizdə isə hər kəs susub və buna uyğun davranır. Baş nazir Nikol Paşinyan deyir ki, proseslərə Türkiyə və Azərbaycanın maraqları çərçivəsindən də baxmaq lazımdır. Bizimkilər yenə susur. Hər hansı iranlı məmur da bu fikri səsləndirsə, reaksiya çox sərt olardı. Bütün hakimiyyət Bakı və Ankaranın maraqlarını müdafiə edir.
Bu barədə Ednews-a açıqlamasında politoloq Natiq Miri bildirdi ki, Ermənistanda psixoloji vəziyyət o qədər pisdir ki, Azərbaycan və bütövlükdə türk etnosuna qarşı olan kin-küdurət, düşmənçilik reallıq hissindən erməni toplumunu xüsusilə də müxtəlif geosiyasi mərkəzlərin əlində alət olan bəzi dırnaq arası siyasətşünasları da həqiqətdən uzaq və qopuq vəziyyətə gətirib:
“Hər şeyə Azərbaycan və Türkiyənin maraqları kontekstindən yanaşırlar. Dövlətçilik şüuru olan bir siyasətşünas hər şeydən öncə dövlətin varlığını düşünməlidir. Ancaq bu xəstə təxəyyül sadəcə olaraq özlərindən kənar qüsur axtarmaqda və bütün baş verən prosesləri məhz özlərinə düşmən saydığı qüvvələrdə axtarırlar. Problem burdadır. Bu gün regionda və qlobal səviyyədə elə təhlükəli çağırışlar var ki, bu çağırışların fonunda bu dalğa Ermənistan dövlətini ağuşuna ala və yox edə bilər. Çünki istənilən münbit vəziyyət Ermənistanın özünə düşmən saydığı ölkələrə imkan və fürsət yaradır. Bunu aradan qaldırmaq üçün ən azından hüquqi cəhətdən Ermənistan ərazi iddiaları etdiyi məsələlərdən vazkeçməlidir. Bu cür ərazi iddiaları onların qoşu olduğu ölkələrlədir. Bir tərəfdə Azərbaycan, digər tərəfdə Türkiyə, o biri tərəfdə isə Gürcüstan. Cırtdan ölkənin bu qədər iddialar olması gülüncdür. Normal, dincə münasibətlər qurmalıdır Ermənistan. Ermənistanı bu yanğının içindən heç Fransa da çıxara bilməz. Ona görə də Ermənistan düşünməli və ağıllı addımlar atmalıdır”.
Oğuz
