HƏMAS hərəkatı Dohada məsləhətləşmələr zamanı Qəzza zolağında saxlanılan 10 israilli girovu azad etməyə razı olub.
“EDnews” xəbər verir ki, bu barədə HƏMAS-ın "Telegram" kanalında məlumat yayılıb.
"HƏMAS danışıqların uğurla nəticələnməsinə çalışır və bu səbəbdən 10 girovun azad edilməsinə razılaşıb. Lakin bir sıra başlıca məsələlər üzrə məsləhətləşmələr davam edir.
Bu, xüsusən də Qəzzaya humanitar yardımın gətirilməsinə, İsrail qoşunlarının oradan çıxarılmasına və daimi atəşkəs üçün real təminatların verilməsinə aiddir", - deyə məlumatda bildirilir.
