"Fizioloji baxımdan kişilərin daha uzunömürlü olması gözlənilsə də, praktikada bunun əksi müşahidə olunur".
Həkim Seyfəddin Əsəd bunu EDnews-a müsahibəsində bildirib.
Onun sözlərinə görə, qadınlar həyatları boyunca daha ağır fiziki və psixoloji yük daşıyırlar. Həkim qeyd edib ki, hamiləlik dövrü, doqquz ay uşağı bətnində daşımaq, doğuş və davamlı stress qadın orqanizminə ciddi təsir göstərir və bunlar ömür uzunluğuna mənfi təsir edə biləcək amillərdir.
Seyfəddin Əsəd kişilərin vaxtından əvvəl dünyasını dəyişməsində isə onların həyat tərzinin mühüm rol oynadığını vurğulayıb.
O bildirib ki, zərərli vərdişlər, özlərini həddindən artıq fiziki və psixoloji yükə məruz qoymaları, eləcə də ailə münasibətlərini düzgün qura bilməmələri kişilərin ömrünü qısaldan əsas səbəblər sırasındadır.
Həkim əlavə edib ki, bu məsələnin bütün səbəblərini tam izah edən dəqiq elmi cavab hələlik mövcud deyil.
Aytac Kərimova | EDnews
