Tailandın şimal-şərqində yerləşən Kalasin əyalətində yeni dinozavr növü aşkar edilib.
EDnews xəbər verir ki, alimlərin Uragasaurus kalasinensis adını verdikləri bitki ilə qidalanan bu dinozavrın təxminən 150 milyon il əvvəl yaşadığı güman edilir.
Məlumata görə, dinozavrın uzunluğu 20 metrə çatıb və onun ən diqqətçəkən xüsusiyyəti qeyri-adi uzun boyna malik olmasıdır.
Alimlər müəyyən ediblər ki, bu növ uzunboyunlu sauropodların mamenchisauridae ailəsinə aiddir. Bu ailəyə aid fosillərin indiyədək əsasən Çində aşkar edildiyi nəzərə alınarsa, sözügedən tapıntı Tailandda ilk belə kəşf hesab olunur.
Araşdırmanın nəticələri "Nature" elmi jurnalında dərc olunub.
