Səudiyyə Ərəbistanı itirdiyi bazar payını bərpa etməyə getdikcə daha çox prioritet verdiyi üçün qarşıdakı aylarda "OPECplus"ın neft tədarükünün sürətləndirilmiş artımını davam etdirməsini istəyir.

“EDnews” xəbər verir ki, bu barədə “Bloomberg” mənbələrə istinadən məlumat yayıb.

Qeyd olunub ki, krallıq avqust və sentyabrda kvotaların sutkada 411 min barel artırılmasının davam etdirilməsinin tərəfdarıdır. Mənbələrdən biri bildirib ki, Səudiyyə Ərəbistanı Şimal yarımkürəsində neftə tələbatın pik həddə çatmasından yararlanmaq üçün məhdudiyyətləri tez bir zamanda yumşaltmaq niyyətindədir.

Səudiyyə Ərəbistanı, Rusiya, İraq, BƏƏ, Əlcəzair, Küveyt, Qazaxıstan və Oman 2023-cü ildə könüllü olaraq hasilatı sutkada 2,2 milyon barel azaldıb və bu məhdudiyyətləri 2026-cı ilin aprelindən oktyabr ayına qədər 130-140 min barel nisbətində tədricən tətbiq etməyi planlaşdırıb. Lakin may ayından etibarən ölkələr bu plandan geri çəkilib.

2024-cü ilin yanvarından 2025-ci ilin aprelinə qədər həcm sutkada 4,6 milyon barelə çatıb: İraq hasilatı sutkada demək olar ki, 2 milyon barel, Qazaxıstanda 1,3 milyon barel, Rusiya isə sutkada 0,7 milyon barel üstələyib. Bu ölkələr həcmləri kompensasiya edəcəklərini vəd edib və müvafiq cədvəllər təqdim ediblər.

İddia olunur ki, kvotaların artırılmasına baxmayaraq, reallıqda yalnız Səudiyyə Ərəbistanı hasilatı artıra biləcək.

Avqust ayı üzrə kvotaların müzakirəsi üçün növbəti iclas iyulun 6-na təyin edilib.