"Sabah Ermənistanda parlament seçkiləri keçiriləcək. Ermənistanda hakimiyyətin mənbəyi xalq deyil. Hakimiyyət ya Vaşington, ya da Moskva tərəfindən formalaşdırılır. İllər ərzində Ermənistan demokratik dövlətə çevrilmədi və həmişə böyük güclərin əlində alət oldu. Böyük güclər Ermənistanda hakimiyyəti müəyyən edir. Ermənistan cəmiyyəti hələ demokratik cəmiyyət kimi formalaşmayıb. Bu baxımdan, baş verən hadisələr göstərir ki, hansı qütb kütləyə daha çox təsir edirsə, hakimiyyət də o qütb tərəfindən formalaşdırılacaq. Paşinyan da hakimiyyətə bu şəkildə gətirildi. Soros Fondu və Birləşmiş Ştatların diplomatik dəstəyi ilə Paşinyan demokratiya adı altında hakimiyyətə gətirildi. Artıq Ermənistanda sorosçular bütün strukturlara yerləşib, Rusiyanın təsiri isə hələ mövcuddur. Hər açıqlamada Paşinyan qərb yönlü siyasət yürüdür ki, bu da Rusiyanın maraqlarına uyğun deyil".
Bu fikirləri EDnews-a şərhində politoloq Azad Məsiyev qeyd edib. O, bildirib ki, Paşinyanın hakimiyyətə gətirilməsində əsas rol Avropa Birliyi (AB) və ABŞ tərəfindən verilən təlimatlar olub:
"Paşinyan illər ərzində bu siyasəti uğurla həyata keçirir və artıq Paşinyanın məqsədi NATO blokuna daxil olmaqdır. Bu səbəbdən Rusiya Kollektiv Təhlükəsizlik Müqaviləsi Təşkilatını boykot edir və MDB toplantılarına yalnız ikinci və üçüncü dərəcəli şəxsləri göndərir. Ermənistanda anti-Rusiya təbliğatı gedir. Rusiya isə yaxşı anlayır ki, NATO-nun sərhədlərinə doğru irəliləməsi dövlət və milli maraqlarına uyğun deyil və Ukraynadakı hərbi əməliyyat da bu təhdidə cavab olaraq baş verib. Qərb Cənubi Qafqazı öz təsiri altına almaq və Rusiyanı bu regiondan uzaqlaşdırmaq istəyir. Əgər Ermənistan NATO-ya daxil olarsa, Avropa Birliyinə inteqrasiya etdikdən sonra Rusiyanın cənub cinahının bağlanması tamamlanacaq".
Politoloqun fikrincə, Paşinyanın fəaliyyəti böyük güclərin maraqlarını toqquşdurmaq məqsədi daşıyır6
"Hazırda Ermənistanda təlatüm davam edir, seçkilər isə görüntü xarakterlidir. Hansı qütb kütləyə daha güclü təsir göstərirsə, hakimiyyət də həmin qütb tərəfindən formalaşacaq. Artıq Paşinyan qərb yönümlü Ermənistan lobisi ilə Rusiya yönümlü lobisi arasında bir mübarizə mövqeyindədir. Ermənistanın gələcək taleyi bu qütblərdən birinin nəzarətində olacaq. Bu baxımdan, istər Rusiyadan gələn bəyanatlar, istərsə də ABŞ və Qərbdən gələn açıqlamalar göstərir ki, Ermənistanda hakimiyyətin mənbəyi xalq deyil; hakimiyyət ya Vaşington, ya da Moskva tərəfindən idarə olunacaq".
Aytac Kərimova | EDnews
.png)
