ABŞ-ın keçmiş prezidenti Donald Tramp növbəti qalmaqallı bəyanatı ilə gündəmə gəlib.

EDnews “Time” jurnalına istinadən xəbər verir ki, Tramp Kanadaya ABŞ-ın “Qızıl Qübbə” (Iron Dome) raketdən müdafiə sisteminə pulsuz qoşulma təklifi verib – lakin bunun üçün şərti var: Kanada ABŞ-ın 51-ci ştatına çevrilməlidir.

Tramp bu fikrini özünə məxsus şəkildə “Truth Social” platformasında paylaşaraq belə deyib:

“Mən bizim inanılmaz Qızıl Qübbə Sistemimizin bir hissəsi olmaq istəyən Kanadaya dedim ki, əgər onlar ayrı, lakin qeyri-bərabər bir Millət olaraq qalsalar, bunun 61 milyard dollara başa gələcək, lakin bizim əziz 51-ci dövlətimizə çevrilsələr, SIFIR DOLLARA başa gələcək. Təklifi nəzərdən keçirirlər!”
Trampın bu təklifi Kanadada ciddi narazılıqla qarşılanıb. Məlumatlara görə, Kanadanın ABŞ-dakı səfiri və digər rəsmi şəxslər bu fikirləri təxribatçı və qeyri-ciddi hesab ediblər. Kanadanın Baş naziri Castin Trudo isə bu iddialara birbaşa cavab verməsə də, Kanadanın “satılmadığını və satılmayacağını” vurğulayan rəsmi bəyanat yayımlanıb.

Tramp isə verdiyi cavabda daha da irəli gedərək bildirib:

“Zaman göstərəcək… Heç vaxt heç vaxt demə!”
Qeyd edək ki, “Qızıl Qübbə” İsrailin ABŞ-la birlikdə inkişaf etdirdiyi, qısa mənzilli raket və pilotsuz uçuş aparatlarına qarşı effektiv müdafiə sistemi hesab olunur. Onun Kanadada yerləşdirilməsi, həm hərbi, həm də siyasi baxımdan geniş müzakirələrə yol açıb.

Bu iddialar nə qədər realdır, yaxın gələcəkdə məlum olacaq. Lakin bir məsələ aydındır: Trampın Kanadaya ştat statusu vermək istəyi yenidən ABŞ-Kanada münasibətlərində gərginlik yaradıb.

Fatima Şükürova // EDnews