Hindistanın Keralasından olan miqrantlar Böyük Britaniyada viza “fırıldaqçılığı”na qarşı mübarizə aparırlar.
Arun Corc iş həyatının yarısını 15,000 funt sterlinq (19,460 dollar) puluna qənaət edərək yığdı.Bu məbləği həyat yoldaşına Böyük Britaniyada iş tapmaq üçün istifadə etdi. Lakin bir neçə ay ərzində bütün pullarını itirdi.
Corc onun həqiqi adı deyil, çünki həyat yoldaşı işsiz qaldıqları üçün cəmiyyət qarşısında rüsvay olmaq istəmir. O, 2023-cü ilin sonlarında bu pulu Alkita Ker şirkətinin idarəçilərinə ödəyib.
“EDnews” xəbər verir ki , BBC, Alkita Kerə ödədiyi pulu təsdiq edən sübutlar əldə edib. Alkita Ker Bradfordsda yerləşən özəl evdə xidmət göstərən müəssisədir və bu müəssisə onun ailəsinin vizasını təmin edib. Bunu Corc, cənub Hindistanın Kerala əyalətindəki yerli bir agentin göstərişi ilə etmişdi.
Onlar uşaqlarına daha yaxşı həyat vermək üçün öz qənaətlərindən istifadə etməyə qərar verdilər.Amma Britaniyaya gəldikdə iş tapmadılar.
“Biz iş tapıb burda işləmək istədik, amma bizə bəhanələr uydurdular. Mən onlardan xahiş etdim ki, pulsuz təlimə qatılaq.Belə ki,ən və həyat yoldaşım yalnız üç gün işləyə bildik”, Corc dedi. “Biz davam edə bilmədik və bir neçə ay sonra Hindistana qayıtdıq.”
Corc, şirkət tərəfindən aldadıldığını düşünür və yaşadığı çətinliyin onu maliyyə çətinliyinin onu ən azı onillik gerib saldığını bildirir. Onun ailəsi, Böyük Britaniyada iş axtaran Keralalı yüzlərlə insan arasında yalnız bir nümunədir ki, onlar işə qəbul edənlə və ya vasitəçilər tərəfindən istismar edilib.Çoxları artıq pul alacaqlarına da ümidlərini itiriblər.
Bredfordda yerləşən Alkita Ker BBC-nin suallarına cavab verməyib. Onların vizə icazəsi, Böyük Britaniya Nazirliyi tərəfindən ötən il ləğv edilib.
Bunlardan biri, hələ də Böyük Britaniyada yaşayan bir nəfər idi ki, onun vəziyyəti elə çətin olub ki, son bir neçə aydır yalnız “çörək və süd” ilə yaşayıb.
Corc kimi, Sridevi (həqiqi adı deyil) deyir ki, Alkita Ker tərəfindən viza sponsorluğu üçün 15,000 funt sterlinq ödəyib.Üstəlik.2023-cü ildə Britaniyaya getmək üçün əlavə 3,000 funt sterlinq xərcləyib.
İndi Hindistana qayıda bilmir, çünki səyahət etmək üçün kredit götürdüyü ailə üzvləri və dostları ilə qarşılaşmaqdan qorxur.
“Mən kirayə və yemək üçün belə pul tapa bilmirəm”, dedi. Vəd edilən 8 saatlıq işdən əsər-əlamət yoxdur.Bəzən səhər saat 4-dən axşam saat 9-a qədər işləyir.
Hər il minlərlə Britaniyaya köçmək istəyən Keralalı tibb bacısının Böyük Britaniyanın əskik işçi siyahısına daxil edildikdən sonra istismar edildiyi təxmin edilir.İşçi partiyasının üzvü və Kembric şəhərinin meri Baju Tittala BBC-yə bildirib ki, son üç ildə ən azı 10 belə qurbanı təmsil edib.Çox vaxt qurbanlar vasitəçilərə pul ödəyiblər ki, bu da “məhkəmə problemi” yaradır.İkincisi, hüquqşünaslar bahalıdır və istismar olunanların məhkəmələrdə mübarizə aparmağa maddi imkanları yoxdur.
Tittala təxmin edir ki, Hindistandan ən az 1,000-2,000 nəfər birbaşa və ya dolaylı olaraq qurbandır,amma hələ də Böyük Britaniyadadırlar.
Kotamangalam şəhərində BBC, viza əldə etməyə çalışarkən milyonlarla dollar itirən təxminən 30 nəfərlə danışdı.
Onların hamısı bir agenti - ''Henry Polos'' və onun ''Grace International'' agentliyini Böyük Britaniyada və Hindistanda iş təklifləri və sponsorluq məktubları ilə insanları aldatmaqda ittiham etdilər.
Onlar deyirlər ki,''Polos onlara viza təyin etmək üçün 2,500 km məsafədəki Delhiyə aparmağa məcbur etdi.''
Silpa, Alleppey şəhərində yaşadığını və bankdan 13% faizlə kredit aldığını, Polos’a ödədiyini, amma ona saxta sponsorluq sertifikatı verdiyini söylədi.
“Britaniyanın üç qızım üçün yaxşı gələcək təklif edəcəyini düşündüm, amma indi onların məktəb xərclərini ödəməkdə belə çətinlik çəkirəm,” o, BBC-yə dedi.
“Əlimdə heç nə qalmadı. Arvadım İsraildəki işini tərk etdi ki, Britaniyaya köçək,” dedi . O, İsraildə həyat yoldaşı ilə 1,500 funt sterlinq qazandığını söyləyirdi, lakin indi artıq uşaqlarını Keraladakı özəl məktəbdən çıxarmağa məcburdur, çünki artıq pul yoxdur.
Nə Polos, nə də Greys International BBC-yə cavab verib, baxmayaraq ki, dəfələrlə onlarla əlaqə saxlamağa cəhd olunub.
Kotamangalamdakı polis isə deyib ki, Polos Böyük Britaniyada qaçıb və yerli ofisləri bağlıdır.
Ötən il Böyük Britaniyanın əvvəlki Konservativ hökuməti etiraf edib ki, işçilərə saxta şəkildə viza verildiyinə dair “açıq sübutlar” var və onlar öz işləri üçün tələb olunan minimum əmək haqqından çox aşağı maaş alıblar.
2024-cü ildə, qaydalar sərtləşdirilib, minimum əmək haqqı artırılıb.
2022-ci ilin iyulundan etibarən, qayğı sektorunda xarici işçiləri qəbul etməyə icazə verən təxminən 450 lisenziya ləğv edilib.Bu ilin əvvəlindən etibarən, sponsorların sponsor lisenziya haqqını və əlaqədar inzibati xərcləri gələcək işçilərə ötürməsi qadağan edilib.
Keraladakı yüksək rütbəli polis məmurları isə BBC-yə bildirdi ki, onlar Hindistanda bu halları araşdırmağa davam edirlər və lazım olduqda İnterpol agentlikləri ilə əməkdaşlıq edəcəklər.
Lakin artıq istismar olunan yüzlərlə insan üçün ədalət hələ də əldə edilə bilməyib və hələ də çox uzaq xülya olaraq qalır.
Mədinə Məmmədova\\EDnews
