"Monako" rəsmi saytı vasitəsilə fransalı yarımmüdafiəçi Pol Poqba ilə müqavilə imzaladığını açıqlayıb.
“EDnews” xəbər verir ki, bu barədə "Çempionat" məlumat yayıb.
32 yaşlı futbolçu ilə müqavilə 2027-ci il iyunun 30-na kimi bağlanıb.
Poqba əvvəllər "Mançester Yunayted" və "Yuventus"da çıxış edib, o, Avropa Liqasının qalibi, 4 qat İtaliya çempionu, iki dəfə İtaliya kubokunun qalibi, üç dəfə İtaliya Superkubokunun qalibidir. Fransa millisinin tərkibində Poqba 2018-ci ildə Rusiyada keçirilən dünya çempionatının qalibi, UEFA Millətlər Liqasının çempionu və Avropanın vitse-çempionu olub.
Poqbanın dopinqə görə 4 illik diskvalifikasiya müddəti 18 aya endirilib. Belə ki, Fransa millisinin sabiq futbolçusu cəzasını hələ mart ayında başa vurmuşdu.
2023/2024 mövsümündə Poqba "Yuventus"un heyətində cəmi iki oyun keçirib, o vaxtdan fransalı rəsmi oyunlarda iştirak etməyib.
