Prezident Administrasiyasının Qanunvericilik və hüquq siyasəti şöbəsinin Qanunvericiliyin inkişafı sektorunun müdiri Rüstəm Qasımov "Qohum nikahları" ilə bağlı ictimai müzakirə zamanı deyib ki, əmi, xala uşaqları arasında evlilik qadağan oluna bilər.

Onun sözlərinə görə, qanunvericilik səviyyəsində üçüncü və dördüncü dərəcəli qohum evliliklərinin qarşısının alınması müzakirə olunur: 

"Bu, əmi, xala uşaqları arasında olan nikahları ehtiva edir. Uzun illərdir maarifləndirmə, izahedici işlər aparılır. Hətta nikah zamanı tibbi müayinədən keçmə də müsbət addım idi. Amma bütün bu işlərə baxmayaraq, problem hələ də qalır. Buna görə də dövlətin addım atması önəmlidir".

Qohum evliliyi (əmi, dayı, xala, bibi uşaqlarının izdivacı) qadağan edilməlidirmi?

Mövzu ilə bağlı Ednews-a açıqlamasında hüquqşünas Şamil Paşayev bildirdi ki, Azərbaycanda ümumiyyətlə, yaxın qohum evliliyi qanunla qadağan edilib. Əmi, dayı, bibi, xala uşaqları arasında evliliyin qadağan edilməsi gündəmdədir. Amma ki, bunun effektif olacağına inanmıram: 

“Nikahı qadağan eləmək şəxslərin arasında cinsi əlaqəni və eyni zamanda vətəndaş nikahını da qadağan etmir. Şəxslər bir yerdə yaşaya bilərlər, sadəcə olaraq dövlət qeydiyyatına alına bilməzlər və onların bir-birindən dünyaya uşaq gətirməsi, atalığın, analığın verilməsi də qanunvericilikilə qadağan oluna bilmir. Burda olan təhlükəli məqam odur ki, qanunla qadağan etsəz də onların nikaha girmədən bir yerdə yaşamağı mümkün ola bilə. Bu şəxslərin cinsi əlaqədə olmasının qarşısını almağa qadağan olmur, şəxslərin bir-birindən dünyaya uşaqda gətirməsinə qadağan olmur. Bu sadəcə nikahsız ailələrin sayını artıra bilər. Bunun ən effektif yolu şəxslərin şüurunda, düşüncəsində dəyişiklik edilməsindədir. Əgər şəxsin şüurunda, düşüncəsində bu nikahlardan doğulan uşaq (uşaqların) gələcəkdə əlil, xəstə olması kimi məsələlərin qabarırılması onların bu məsələdə marifləndirilməsi, bilgiləndirilməsi aparmasaq, sadəcə qadağa ilə bu işi tamamilə sıfırlamaq, aradan qaldırmaq demək olar mümkün olmayacaq”.

Nicat