Xüsusi ilə qış aylarında  vitamin D  çatışmazlığından əziyyət çəkən insanların sayı demək olar ki, pik həddə  çatır. Orqanizm üçün vacib olan vitamin D çatışmazlığı zamanı halsızlıq, yaddaşsızlıq və s. kimi problemlər ortaya çıxır. Əksər hallarda isə bu problemlə üzləşən  insanlar həkim məsləhəti olmadan apteklərdən bu vitamini əldə edirlər. Məsələ ilə bağlı danışan terapevt-kardioloq Rasif Bağırov Ednews- a açıqlamasında bildirib ki, ümumiyyətlə həkim məsləhəti olmadan xəstənin hər hansı preparatı qəbul etməsi düzgün deyil. Çünki dərmanlar düzgün olmayan dozalarda qəbul edilir  və problemlər yaşanır.
”D vitamininə gəlincə isə qəbuldan öncə və sonra mütləq şəkildə onun miqdarı orqanizmdə yoxlanılmalıdır.
Bəlkə heç bağırsaqlardan  bu şəkildə sovrulmur?  bəlkə iynə və ya başqa bir yolla orqanizmə daxil edilməlidir. D vitaminini orqanizmə daxil etməyin müxtəlif yolları var. Əsas məsələ  orqanizmin D vitaminini qəbul edib- etməməsidir. Onun  yuxarı norması 90, 30mq olmalıdır. Qaydasız şəkildə qəbul edilən vitaminin dozası arta və bu  bədənə toksik təsir göstərib zəhərləyə bilər. Məhz o səbəbdən də mütləq həkim nəzarəti ilə qaydalar əsasında qəbul olunmalıdır. Amma bir məqamı da qeyd etmək istərdim ki, digər dərman preparatlarından fərqli olaraq  D vitamini həkim məsləhəti olmadan qəbul  etmək o qədər də təhlükəli hesab edilmir.  Ancaq qəbul etdikdən sonra mütləq miqdarını bilmək üçün həkim müayinəsindən keçmək lazımdır”.

Afaq