ADA Universitetinin İnkişaf və Diplomatiya İnstitutunda “Qətl edilmə və Qovulma: Ermənistan tərəfindən etnik təmizləmə təcrübəsi (1918-1921; 1987-1991)” adlı dəyirmi masa müzakirəsi keçirilib.
Ednews xəbər verir ki, dəyirmi masanın əsas mövzusu Qərbi Azərbaycan (hazırki Ermənistan Respublikası) ərazisində ermənilərin Azərbaycan xalqına qarşı törətdiyi soyqırım aktları və xalqın deportaisiya edilməsi tarixi idi.
Sessiyada Qərbi Azərbaycan İcmasının əməkdaşları, media nümayəndələri, universitet professorları və tələbələr fəal iştirak ediblər.
Tədqiqatçı Maksim Qauinin rəhbərliyi ilə keçirilən tədbirdə ermənilərin azərbaycanlı etniklərinə qarşı tarixi faktları, bir sıra xarici və yerli mənbələrdən çıxış edilərək təqdimat şəklində göstərilib.
Ardınca Qərb İcmasının aparatının rəhbəri Qalib Qasımov Qərbi Azərbaycanın Zod kəndində (indiki Ermənistan Respublikası) keçirdiyi dövr ərzindəki təcrübələrini əks etdirən şəxsi təcrübələrini bölüşüb.
Daha sonra məcburi köçkün Əliyeva Zivər ermənilər arasında emosional şəkildə yaşadığı ağır sınaqları bölüşüb, hamilə olarkən gördüyü işlərdən və sonradan Zəngilana köçməsindən danışıb. O, soyuq havada keçdiyi çətin səyahət haqqında ətraflı danışaraq və deportasiya dövründə oğlunu dünyaya gətirməyin çətin təcrübəsini bölüşdü. Onun oğlu Muradov Namiq isə hekayəyə əlavə edərək, babasının 1905-1910-cu illərdə deportasiya dövrünün qurbanı olması faktını iştirakçılarla paylaşıb.
Müzakirənin əsas məqamı beynəlxalq tarixçinin Qərbi Azərbaycandan deportasiyanın bütün tarixini əhatə edən materialların, şəkillərin və videoların mövcudluğu ilə bağlı həlledici sual qoyması oldu. Cavab olaraq BAMF nümayəndəsi təşkilatın Qərbi Azərbaycan saytı üçün layihəsinə istinad edərək, bu mühüm tarixi fəslin sənədləşdirilməsi və qorunub saxlanması istiqamətində səylərini vurğuladı.
Qeyd edək ki, yuxarıda adı keçən Beynəlxalq Avrasiya Mətbuat Fondu və Qeyri-Hökumət Təşkilatlarına Dövlət Dəstəyi Agentliyinin təşəbbüsü ilə yaradılan Qərbi Azərbaycanlıların Deportasiyasının virtual muzeyinə bu linkdən keçid edə bilərsiniz: https://deport.az/
Əkbər Novruz
