Pakistanın Bakıdakı səfirliyi Azərbaycan Dillər Universitetində Kəşmir Həmrəyliyi Günü münasibətilə əlamətdar tədbir keçirib.

Ednews xəbər verir ki, bu münasibətlə Hindistanın qeyri-qanuni işğalı altında olan Cammu və Kəşmirdə Kəşmir xalqının üzləşdiyi çətinlikləri əks etdirən təsirli foto sərgi nümayiş etdirildi.

Tədbir universitetin rektoru Kamal Abdullanın çıxışı ilə başladı. İştirakçıları salamladıqdan sonra o, sülh tərəfdarı olduğunu vurğulayaraq, davam edən münaqişə ilə bağlı fikirlərini bölüşüb. O, bu münaqişədə sahib olduğu dəstəyi əsirgəməyəcəyini və 30 ildən çoxdur torpaqları işğal altında olan Azərbaycan xalqının bu münaqişədən əziyyət çəkən Pakistan xalqının acılarının anladığını söyləyib.

Daha sonra professor Atamoğlan Məmmədli dinləyicilər qarşısında çıxış edərək Kəşmir münaqişəsinin tarixi, siyasi və humanitar ölçülərinə işıq saldı.

Səfir Bilal Haye Kəşmir məsələsinin tarixi və hüquqi aspektlərini vurğulayaraq, təqdimatla çıxış edib. Səfir Azərbaycana göstərdiyi fəal dəstəyə görə minnətdarlığını bildirib və beynəlxalq ictimaiyyəti Kəşmir xalqının arzularına və BMT qətnamələrinə uyğun olaraq Kəşmir mübahisəsinin həllində fəal rol oynamağa çağırıb.

Qeyd edək ki, tədbir tamaşaçıların Kəşmir məsələsinə həmrəy olduqlarını bir daha təsdiqləmələri ilə yekunlaşdı.

Əkbər Novruz