Süni intellekt və rəqəmsallaşma əməyin təhlükəsizliyinin artırılması, risklərin monitorinqinin məhsuldarlığının yüksəldilməsi baxımından geniş imkanlar təklif edir.

“EDnews” xəbər verir ki ,  bunu Beynəlxalq Əmək Təşkilatının (BƏT) Baş direktoru Jilber Hunqbo (Jilber Hungbo) Əməyin Mühafizəsi Günü və ilk kollektiv müqavilənin 120 illiyinə həsr olunan “Rəqəmsallaşma və süni intellektin iş yerlərinə təsiri” mövzusunda keçirilən konfransa videomüraciətində deyib.

Onun sözlərinə görə, bu texnologiyaların ciddi narahatlıqlar doğurduğu da məlumdur:

“Diqqətli və etika tələb edən bir tətbiq olmadan işçi nəzarəti və alqoritmik idarəetmə kimi alətlər hüquqları, şəxsi azadlığı və rifahı təhlükə altına bilər. Bunun qarşısını almaq və süni intellektin iş dünyasında faydalı məqsədlərlə istifadə olunmasını təmin etmək üçün insan mərkəzli yanaşma zəruridir. BƏT olaraq təhlükəsiz və sağlam iş mühiti yaratmaq üçün bundan sonra da sizi dəstəkləməyə hazırıq. Biz texnoloji innovasiyalardan istifadə edərək hamı üçün mühafizəkar inklüziv və layiqli əmək şəraitinin gücləndirilməsini təmin edə bilərik”.

Fatimə Mərdanlı //EDnews