- İkinci Qarabağ müharibəsi dövründə “Özbəkistan tarixi” Telekanalı Azərbaycanda Qarabağ probleminin yaranma tarixini sistemli şəkildə işıqlandıran ən fəal yaradıcı kollektivlərdən biri olub.
- Özbəkistan-Azərbaycan qardaşlıq tarixinin işıqlandırılmasında təvazökar fəaliyyətimizə göstərdikləri diqqətə görə xəbər agentliyinizin şanlı jurnalistlərinə Telekanalımızın kollektivi adından və şəxsən öz adımdan təşəkkürümü bildirirəm.
Qeyd edim ki, bizim komandamız 44 günlük müharibə zamanı baş verənləri diqqətlə izləyirdi. Təbii ki, biz yaradıcı insanlar kimi istənilən zorakılığı pisləyirik, lakin bu, Azərbaycan xalqının Vətən Müharibəsi idi. Onlar doğma torpaqlarını işğaldan azad etdilər. Bizim komandada Azərbaycanın ərazi bütövlüyü ilə bağlı heç bir şübhə və ya fikir ayrılığı yoxdur.
Qardaş Azərbaycana televiziya vasitəsilə özümüzə uyğun dəstək vermək qərarına gəldik. Xüsusilə Azərbaycan üçün ortaq tariximizlə bağlı olan ondan çox veriliş hazırlamışdıq. Məhz müharibənin getdiyi o günlərdə Azərbaycan ərazisinin işğalının səbəb və nəticələrindən ətraflı bəhs edən rejissor Dildor Hasanovanın hazırladığı “Mənbələr danışanda” verilişini yayımlamışdıq.
Hazırda Azərbaycanın Özbəkistandakı səfirliyinin nəzdindəki Heydər Əliyev adına Azərbaycan Mədəniyyət Mərkəzi ilə sıx əməkdaşlıq edirik. Məhz onların təqdimatı ilə “Mənbələr danışanda” verilişinin rejissoru Dildor Hasanova və bir neçə əməkdaşımız Daşkənddə keçirilən “Qızıl Qələm” beynəlxalq müsabiqəsində xüsusi mükafata layiq görülüblər.
- Düşünürəm, bununla kifayətlənmək fikrində deyilsiniz, azərbaycanlı həmkarlarınızla bağlı gələcəkdə daha hansı planlarınız var?
- Bəli, bizim gələcək üçün böyük planlarımız var. Özbəkistanla Azərbaycan arasında ədəbi əlaqələr, klassik ədəbiyyat məsələləri, o cümlədən Nəvaişünaslıq və Baburşünaslıq sahəsində azərbaycanlı professorlarla sıx elmi əməkdaşlıq baxımından xüsusi əlaqələrimiz var.
Biz bir çox beynəlxalq simpoziumlarda iştirak zamanı filologiyanın və tarixin elmi problemlərinə dair onlarla əməkdaşlıq edirik. Onların sistemli şəkildə ortaq Türk tarixi və ədəbiyyatı mövzularında Telekanalımıza müsahibələr verməsi bizi sevindirir. Xüsusilə, Nizami Gəncəvinin, Əlişir Nəvainin, Zəhirəddin Məhəmməd Baburun, eləcə də Azərbaycan xalqının böyük dövlət xadimi Heydər Əliyevin fəaliyyətindən bəhs edən çoxlu televiziya proqramları hazırlanaraq yayımlanır. Bundan əlavə, Özbək və Azərbaycan milli ədəbiyyatının nadir əsərləri tərcümə olunur. Bütün bunlar iki ölkə arasında qarşılıqlı mədəni, elmi, ədəbi əlaqələrin yeni səviyyəyə yüksəlməsindən xəbər verir.
Yeri gəlmişkən, biz Beynəlxalq Avrasiya Mətbuat Fondunun prezidenti cənab Umud Mirzəyevlə də sıx əməkdaşlıq edirik. O, şəxsən Özbəkistana gələrək, Azərbaycana göstərilən informasiya dəstəyinə görə Telekanalımıza təşəkkür edib və “Əl-Cəzirə” xəbər agentliyi ilə birgə “Özbəkistan-Azərbaycan-Qətər” üçtərəfli layihəsi ilə bağlı əməkdaşlıq təklif edib. Hazırda tərəflərin funksional vəzifələrini dəqiqləşdiririk və yaxın günlərdə layihənin icrasına başlayacağıq.
- Hörmətli Şöhrət Xayitov, məzmunlu söhbətə görə təşəkkür edirəm.
“Özbəkistan tarixi” Telekanalının direktoru ilə söhbəti xüsusi müxbir Şöhrət BARLAS apardı.
Müsahibənin orijinalı ilə tam şəkildə burada tanış ola bilərsiniz:
https://ednews.net/ru/news/interview/600331-uzbekistan-azerbaydjan-letopis-istorii-tyurkskoqo
