Bu gün Azərbaycan Kinematoqrafçılar İttifaqının sədri, Xalq artisti Rasim Balayevin doğum günüdür. Sənətçinin 76 yaşı olur. Ednews bu münasibətlə Rasim Balayevlə ad günü müsahibəsi edib.
- 76 yaşınız tamam olur, təbrik edir, möhkəm can sağlığı diləyirəm. Yola saldığınız bu yaşla bağlı yaddaş arxinizidə bir çox xatirələriniz var. Ən çox unuda bilmədiyiniz bir xatirəni danışa bilərsinizmi?
- Çox sağ olun. İnanın, o qədər xatirələr var ki, hansını danışım, bilmirəm. Belə məqamda o xatirəni seçə bilmirəm. Ömrüm elə-belə keçməyib, həyatım çəkiliş meydançalarında keçib. O çəkilişlərdə yaşadığım xatirələrim var. İntası, dar macalda onu yadıma sala bilmirəm. Əsad odu geriyə baxanda boş həyat yaşamamışam. Nələrsə edə bilmişəm.
- Ad gününüz münasibəti ilə sizi ilk kim təbrik etdi?
- Doğum günümlə bağlı məni il təbrik edən tibb bacısı oldu.
- Qohumunuz idi ya pərəstişkarınız?
- Qohum deyil, pərəstişkarım idi. Elə zəng eləyib, təbirklədi məni.
- Yubiley olmayan ad günlərinizi necə qeyd edirsiniz? 76 yaşı necə qeyd edəcəksiniz?
- Ailə üzvləri ilə yığışb qeyd edir, Allah verən paydan da biş-düş edirik.
- Ad günlərinizin sizin üçün dəyəri varmı?
- Allah məsləhət bilib məni bu dünyaya gətirib. Onu qeyd eləmək lazımdır.
- Yeni yaşınızda tamaşaçıları sürprizlər gözləyə bilərmi? Hər hansı bir bədii filmdə baş rolda sizi görə biləcəyikmi?
- Vallah, mən elə o arzu ilə yaşayıram. Əgər yaxşı bir ssenari olsa böyük məmnuniyyətlə rol alaram. Çoxdandı çəkilmirəm. Arzum budur ki, yaxşı bir rol olsun, mən də o rola can verim. Onu da gözləyirəm, qismət olsa.
Söhbətləşdi: Oğuz Ayvaz
