Xəbər verdiyimiz kimi, İran prezdenti və rəsmilərinin helikopter qəzası nəticəsində öldüyü rəsmiləşib. Bu xəbərdən sonra İranda hər hansı bir siyasi dəyişiklik olar bilərmi? Hadisədə kiminsə əli ola bilərmi? Prezidentin ölümü HƏMAS-İsrail müharibəsinə necə təsir edəcək?

Məsələ ilə bağlı Orta Doğu Araşdırmalar Mərkəzinin sədri Sədrəddin Soltan Ednews-a açıqlaması zamanı qeyd edib ki, böyük bir siyasi dəyişikliyin olacağı ehtimalı azdı:

“Siyasi dairələrdə ittifaq güclü olduğundan siyasi dəyişikliklərin və yaxud ciddi proseslərin baş vermə ehtimalı azdı deyə düşünürəm. Digər tərəfdən prezident ölkənin əsas fiquru deyil. Sadəcə olaraq bu hadisənin səs küyünün, miqyasının hay küylü olması, qəza ilə bağlı vaxtından əvvəl prezidentin səlahiyyət müddətini başa çatdırmasıdır. Ona görə də ciddi dəyişikliklərin baş verəcəyi gözlənilmir. Hadisə ilə bağlı çox saylı ehtimallar var və ən əsası əgər terror təxribatı hadisəsidirsə ilk şübhələnəcəyimiz məsələ Tehran hakimiyyətinin daxilindədir. Çünki kiminsə xaricdən gəlib o helikopterə problem yaradacaq ehtimalı çox azdır. Bu helikopterdə baş berən hadisələrin məhsuliyyətini İran hakimiyyətinin təhlükəsizlik qurumları daşıyır. Odur ki, hadisənin səbəbkarları hakimiyyət nümayəndələridir, hətta bu təxribat olmasa belə. Belə bir hava şəraitində helikopterin uçuşuna icazə verirlər. Necə qalxıb? Necə enib?Bu hadisə HƏMAS-İsrail müharibəsinə təsir etməyəcək. Çünki HƏMAS-İsrail müharibəsi İranın fundamental məsəllərindən birinin görüntüsüdür və ya bu rejimin əsas şüarlarından biridir. Bu müharibə olmazsa Tehran hökümətinin mövcudluğu da formal sayılmır”.

Xəyal