Ukraynada şiddətli döyüşlərin davam etdiyi bir vaxtda Rusiyanın Xarici Kəşfiyyat Xidməti (RXKX) ABŞ-ın Ukrayna prezidenti Vladimir Zelenskiyə alternativ tapmaq üçün səylərini artırdığı haqda məlumat yayıb. Məlumata görə, ukraynalılar davam edən hərbi əməliyyatlardan narazıdırlar. Mümkün varislər siyahısına keçmiş dövlət başçısı Pyotr Poroşenko, Ukrayna Silahlı Qüvvələrinin keçmiş baş komandanı Valeri Zalujnı, Kiyev meri Vitali Kliçko və başqaları daxildir.
Mövzu ilə bağlı ukraynalı hərbi - siyasi analitin Vadim Tryuxan Ednews - a öz fikirlərini bölüşüb. O, hesab edir ki, Rusiya kəşfiyyatında heç bir məlumat yoxdur və bu sadəcə bir psixoloji oyundur.
"Əgər xarici kəşfiyyat xidməti nəyisə xəbər verirsə, bu məlumatı ABŞ-dakı və ya oradakı Avropadakı mənbələrdən aldığını mötəbər şəkildə bəyan edirsə, bu o deməkdir ki, Rusiya daha bir “İPSO”, yəni informasiya-psixoloji əməliyyatına başlayır. Məqsəd Ukrayna cəmiyyətində tarazlığı və sabitliyi pozmağa cəhd etməkdir. Rusiyanın nə ABŞ, nə də Avropa mənbələrindən heç bir məlumatı olmadığına tam əminəm və bunun yeganə məqsədi onun son saxta bəyanatlarına daha çox etimad göstərməkdir. Elə bu günlərdə Ukraynada nüfuzlu sosialist xidməti və ali Radanın sədri Dmitro Razumkov Ukraynanın paytaxt sakinləri arasında vətəndaşların mövcud vəziyyətə münasibəti ilə bağlı sorğu keçirib. Açıqlanan rəqəmlər isə hər şeyi danışır. Sorğu iştirakçılarının 83 faizi Donetsk, Luqansk, Xerson və Zaporojye vilayətləri ərazisindən Ukrayna qoşunlarının yeridilməsi fikri ilə qəti razılaşmır. Respondentlərin 84 faizi bu ərazilərin təcavüzkarlara, yəni Rusiyaya verilməsinin əleyhinə olub. Ukraynalıların 77 faizi Rusiyaya qarşı hazırda qüvvədə olan sanksiyaların ləğv edilməsi ilə razılaşa bilmir.
Bundan başqa, 58 faiz Ukraynanın neytral, bloklara daxil olmayan nüvəsiz statusuna malik olmaq məsələnin Konstitusiyada öz əksini tapmasının əleyhinədir. Bu nə deməkdir? Bu rəqəmlər göstərir ki, Ukrayna ictimaiyyəti Putinin İsveçrədə ilk sülh sammiti keçirilən günlərdə səsləndirdiyi ultimatumun tam və ya qismən təmin edilməsinin əleyhinədir.
Namizədlərə gəldikdə isə, burada bu şəxslərin adı çəkilə bilər: Pyotr Poroşenko, Valeri Zalujnı, Vitali Kliçko, təbii ki, hər biri Ukraynanın hörmət olunan, tanın şəxsləridir. Petro Poroşenko parlamentdə işləyir, onun indiki hakimiyyətə müxalifət olan Avropa həmrəyliyi partiyası var. Zalujnı Britaniyada səfir işləyir, Kliçko Kiyev şəhərinin meri vəzifəsindədir".
Bütün bu detalları qeyd etdikdən sonra cavablancaq bir sual qalır: Ukraynada hakimiyyət dəyişikliyi olacaqmı?
"Təbii ki, olacaq, Ukraynada həmişə dəyişiklik gedir, çünki Ukrayna demokratik dövlətdir, Rusiyadakı kimi totalitar rejim deyil. Bəs vaxt olacaq? Müharibə getdiyi bir vaxtda, indi seçkilər haqqında danışmaq çox çətindir, amma buna baxmayaraq, yaxın gələcəkdə bu mütləq baş verəcək. Çünki müharibənin uzandığını görürük, və tunelin sonunda hələ də görünməyən işıq var, ona görə də gələn il və ya ondan sonrakı il həm parlament, həm də prezident seçkilərinin keçiriləcəyini istisna etmirəm.
İndi tamamilə demək olar ki, parlamentin tərkibi dəyişəcək və bəlkə də Ukraynada yeni prezident peyda olacaq, lakin heç bir halda Ukraynada Putinin bəzi ultimatumlarının təmin olunmasını müdafiə edəcək parlament və ya prezident peyda olmayacaq. Onlar sırf Ukraynayönümlü olacaqlar, yalnız Rusiyaya qarşı müharibədə qalib gəlmək tərəfdarı olacaqlar", - deyə ekspert sonda qeyd edib.
Əkbər Novruz
