Rusiyanın Ukraynaya təcavüzündən sonra ölkəsini tərk edərək Türkiyədə məskunlaşan rusların əksəriyyətinin yaşayış yeri, maliyyə problemləri və insan hüquqlarının pozulması səbəbindən başqa ölkələrə köç etdiyi məlum olub.

Ednews odatv-ə istinadən xəbər verir ki, 2022-ci ilin fevral ayında başlayan müharibədən sonra işğala qarşı çıxan, orduya qoşulmaq istəməyən, özünü və biznesini qorumaq istəyən minlərlə Rusiya vətəndaşı İstanbul və Antalya başda olmaqla ölkənin bir çox şəhərində məskunlaşmağa başlayıb.

2022-ci ildə Türkiyədə yaşamaq icazəsi alan rusların sayı 154 minə çatıb. Lakin 2023-cü ildə bu rəqəmin üçdə bir azalaraq 96 minə düşdüyü müşahidə edilib. Reuters-ə danışan 9 Rusiya vətəndaşı Türkiyədən yaşamaq icazəsi almaqda çətinlik çəkmələrinin ölkəni tərk etmələrinin səbəblərindən biri olduğunu bildirib. Rusların Türkiyəni tərk etməsində yaşayış yerindən kənarda yaşamağın baha olması da mühüm rol oynayır. Bir tərəfdən ölkədə keçən ay inflyasiya nisbətinin yüzdə 70-ə çatması, digər tərəfdən də müharibə səbəbiylə Rusiyanı hədəf alan sanksiyalar səbəbiylə Türkiyədə bank əməliyyatlarının çətinləşməsi rusların xüsusilə digər ölkələrə mühacirətinə səbəb olur.

Danimarka Qaçqınlar Şurasına bağlı Qarışıq Miqrasiya Mərkəzi bildirir ki, Ukraynanın işğalından sonra təxminən 800 min Rusiya vətəndaşı xaricə miqrasiya edib. Həm Moskva, həm də Kiyevlə yaxın əlaqələri olan Türkiyə, işğaldan sonra ruslara vizasız gediş-gəliş təmin etməyə davam etdi. Bəzi zəngin ruslar Türkiyədə ən azı 400 min dollar dəyərində mülk əldə etdikləri halda vətəndaşlıq almaq hüququndan istifadə edərək Türkiyə vətəndaşı olublar. Son iki ildə ruslar ən çox xarici alıcı kimi iranlıları və iraqlıları geridə qoyub.

Xəyal