"Roma"nın sabiq baş məşqçisi Joze Mourinyo yayda məşqçiliyə qayıdacaq.
Ednews "Desporto ao Minuto"ya istinadən xəbər verir ki, bu barədə portuqaliyalı mütəxəssis özü məlumat verib: "Düşünürəm ki, yayda məşqçiliyə qayıdacağam. Komanda çalışdırmayanda özümü boş hiss edirəm. Amma indi növbəti iş yeri seçimində daha diqqətli olmalıyam".
Xatırladaq ki, Mourinyo 2021-ci ilin yayından “Roma”nı çalışdırıb. O, bu ilin yanvarında istefaya göndərilib.
