Bakıda keçirilən İslamafobiya Konfransına qatılan xarici nümayəndələrdən biri Böyük Britaniyalı Vakar Azmi Ednews-a müsahibə verib.
O, dünyanın bir çox dövlətlərində müsəlmanların hücum hədəfinə çevrildiyini bilirib:
Bakıdakı bu konfransın hazırda islamafobiyaya təsiri və onun gələcəyi haqqında nə deyə bilərsiniz?
“Bu nailiyyət üçün ilk növbədə bütün azərbaycanlıları təbrik edirəm. Konfransı təşkil edən hər kəsə və Azərbaycan Respublikasının prezidenti cənab İlham Əliyevə öz dərin təşəkkürlərimi bildirirəm. Çünki, islamafobiya günümüzün ən böyük problemlərindən biridir. Hazırda ekstremist qruplaşmaların sayı hədsiz dərəcədə artıb.
Bu kimi qruplaşmalar Fransa, Niderland, Almaniya və Britaniya kimi dövlətlərdə fəaliyyət göstərir. Onlar əsasən müsəlmanları hədəf alıblar. Dövlətlər artıq islamafobiyadan öz xeyirlərinə istifadə edirlər. Hazırki Hindistan hökümətinə nəzər salsaq görə bilərik ki, ölkə müsəlman cəmiyyətdən öz mənfəəti üçün istifadə edir. Müsəlmanlara qarşı qeyri-insani addımlar atılır və dünya buna səssiz qalır. Bundan sonra biz əmin olmalıyıq ki, biz bu təhdidləri ciddiyə alırıq və onlara qarşı həqiqi fəaliyyət aparırıq”.
Dünyada baş qaldırmış islamafobiya fenomeninə qarşı Fransa və Britaniya kimi dövlətlər necə reaksiya verir?
“Misal üçün Azərbaycanı göstərmək olar. Azərbaycan bir çox dinlərin və mədəniyyətlərin bir arada toplaşdığı bir ölkədir. Azərbaycan bütün müxtəlifliklərə rəğbət və hörmətlə yanaşdığı üçün çox gözəl ölkədir. İndi isə bu ölkə islamafobiyanın ən çox yayıldığı ölkələr olan Britaniya və Fransa kimi ölkələr tərəfindən tənqid olunur”.
Fərid
