Saatlı rayonunda əkin sahələrində örtük altında yetişdirilən qarpız məhsulunun yığımına başlanılıb.
“EDnews” xəbər verir ki, bu il fermerlər əsasən tez yetişən sortlara üstünlük veriblər.
Onların sözlərinə görə, bu sortlara "Mesim", "Qrandis", "Karistan" və "Kral" daxildir. Hazırda məhsul sahələrdən 30 qəpiyə alınır. Yığılan qarpızlar yerli bazarla yanaşı, xarici bazarlara da göndərilir.
Gələn aydan etibarən isə açıq sahələrdə yetişdirilən qarpızın yığımına start veriləcək.
Qeyd edək ki, cari ildə rayon üzrə 1 345.5 hektar sahədə qarpız becərilib. Ötən il isə 1 623 hektardan 61 min 903.2 ton məhsul əldə olunub.
Hazırda məhsul yığımı davam edir.
