“Əsgəran-Xocalı yolunda aşkar olunan kütləvi məzarlıq erməni vandalizminin çoxsaylı əyani sübutlarından yalnız biridir”.

“EDnews” xəbər verir ki, bunu Beynəlxalq Avrasiya Mətbuat Fondunun Prezidenti Umud Mirzəyev deyib.

İstər Qərbi Azərbaycanlıların Ermənistandan deportasiyası, istərsədə Birinci Qarabağ müharibəsi dövründə erməni vandalizmindən danışan BAMF prezidenti Bakı Məhkəmə kompleksində hərbi cinayətlər törətməkdə ittiham olunan erməni əsilli müttəhimlərin davam edən məhkəmə prosesinə də toxunub:

 “1980-ci illərin sonunlarından bəri istər Qərbi Azərbaycanlıların  Ermənistandan deportasiya prosesi, istərsədə Birinci Qarabağ müharibəsi dövründən bəri azərbaycanlılar erməni şovinistləri tərəfindən çoxsaylı vəhşiliklərə məruz qalıb, yüzlərlə,hətta minlərlə insanımızın taleyindən hələ də xəbərimiz yoxdur.Bu vəhşilikləri törədənlər onlar haqqında bizə hələ də hansısa məlumat vermirlər. Bu baxımdan nə qədər acı olsada, qəbul etməliyik ki, bu cür kütləvi məzarlıqların aşkarlanması ağrılıdır, amma gözləniləndir. Bu cür kütləvi məzarlıqlar erməni vandalizminin çoxsaylı əyani sübutlarındandır.

Qarabağı işğal altında saxladıqları illər ərzində erməni qaniçənləri əllərindən gəldiyi qədər bu torpaqlara mina əkdilər, bu minaları məzlum soydaşlarımızın qanları ilə suladılar. Amma xoşbəxtlikdən biz Qarabağı geri qaytardıq və indi o torpaqları erməni vəhşiliklərindən “sağaldırıq”. 

Bu gün Bakı Məhkəmə Kompleksində törətdikləri hərbi cinayətlərə görə hakim qarşısına çıxan erməni əsilli canilər bu cür cinayətlərə yol verən qaniçənlərin yalnız kiçik hissəsidir. Biz inanırıq ki, qısa vaxt içində bu canilərin hamısı hüquq qarşısında cavab verəcəklər”. 

Xatırladaq ki, bu gün  Əsgəran-Xocalı yolunda yeddi itkin mülki şəxsə aid meyit qalıqları tapılıb.

Əsir və itkin düşmüş vətəndaşlarla əlaqədar Dövlət Komissiyasından verilən məlumata görə Əsgəran-Xocalı yolunda yeddi itkin mülki şəxsə aid meyit qalıqları tapılıb. 

Məlumatda qeyd olunur ki, bu məzarlıqda ən azı 7 itkin şəhidə aid meyit qalıqları aşkarlanıb. Mütəxəssislərin rəyinə görə, qalıqlar mülki şəxslərə aiddir. Onlar qeyri-ənənəvi yolla dəfn olunublar.

Şahlar Ruhi//“EDnews”