Xəbər verdiyimiz kimi, Ermənistan xarici işlər naziri Ararat Mirzoyan Səudiyyə Ərəbistanı Krallığına səfərdədir. 2023-cü ilin noyabrında iki ölkə arasında diplomatik münasibətlər qurulduqdan sonra bu, Ermənistandan Səudiyyə Ərəbistanına ilk yüksək səviyyəli səfərdir. Səfər çərçivəsində nazir Mirzoyan Səudiyyə Ərəbistanının Xarici İşlər Naziri Şahzadə Faysal bin Fərhan Al Səud ilə görüşəcək.

Bəs Ermənistan xarici işlər nazirinin Səudiyyə Ərəbistanına səfərinin məqsədi nədir? Bu səfərin iki ölkə münasibətlərinə necə təsir edəcək? İran və İsrail arasında baş verən hadisələrdən sonra Ermənistan Yaxın Şərqdə yeni müttəfiq axtarır?

Məsələ ilə bağlı beynəlxalq əlaqələr üzrə ekspert və Ərəb Strateji Araşdırmalar Mərkəzinin direktoru Dr.Məhəmməd Sadiq İsmayıl Ednews-a özəl açıqlama verərək bildirib ki, Ermənistan ərəb ölkələr ilə əlaqələrində yeni mərhələyə başlamaq istəyir. Bu səfər Ermənistan rəsmisinin ərəb ölkələrinə ilk səfəri deyil, qısa bir müddət əvvəl Ermənistanla Misir arasında ticarət mübadiləsini inkşaf etdirmək məqsədi ilə Nikol Paşinyanın Misirə səfər etmişdi:
“Bu dəfə Ermənistan xarici işlər naziri Ararat Mirzoyan Yaxın Şərqdə əsas investor və ticarət mübadiləsi sahəsində əsas tərəfdaş Səudiyyə Ərəbistanı Krallığına səfər edir ki, Səudiyyə Ərəbistanı Krallığı və ondan əvvəl Misir vəsitəsilə ərəb ölkələr ilə yeni mərhələyə başlamaq istəyir. Bütün bunlar Yaxın Şərqdə baş verən son hadisələr ərəfəsində baş verir.

Ekspert Ermənistanın bu səfərdən məqsədlərinə toxunaraq bildirib ki, Ermənistan bu səfər vasitəsilə iki ölkə arasında bir sıra sahələrdə, xüsusilə də iqtisadi sahədə əməkdaşlığı gücləndirməyi hədəfləyir: 
“Bu səfərin həm də siyasi aspekti budur ki, Ararat Mirzoyanın Səudiyyə Ərəbistanlı həmkarı ilə Şahzadə Faysal bin Fərhan Əl Səudla Yaxın Şərqdəki vəziyyəti və Ermənistandakı vəziyyəti müzakirə etməsi planlaşdırılır”.

Ekspert həmçinin Ərəb dünyasının Azərbaycan-Ermənistan böhranı ilə bağlı mövqeyinə tuxunub və bildirib ki, ərəb dünyasının Azərbaycan-Ermənistan böhranı ilə bağlı mövqeyinə nəzər salsaq, görərik ki, ərəb dünyası diplomatik həll yollarına daha çox meyllidir və hər hansı bir böhranda və ya münaqişədə hərbi həlli dəstəkləmir, buna görə də Ermənistan Səudiyyə Ərəbistanı Krallığın Azərbaycanla böhranda vasitəçi rolunu oynamasını istəyir.

Loğman Yunis