Qırmızı Xaç, Qəzzada səkkiz tibb işçisinin öldürülməsi ilə bağlı dərin şok və dəhşət hissi keçirir.
Beynəlxalq Qırmızı Xaç və Qırmızı Aypara Cəmiyyətləri Federasiyası (IFRC), cənubi Qəzza, Rafahda işləyən səkkiz tibb işçisinin öldürülməsindən dəhşətə gəldiyini bildirib. 23 martda, əl-Həşşahində bu tibb işçilərinə atəş açılıb. IFRC-nin məlumatına görə, cəsədləri yalnız bazar günü çıxarıla bilib, çünki bir həftə ərzində həmin əraziyə daxil olmaq qadağan edilmişdi. Həmçinin, bir tibb işçisinin cəsədi hələ də tapılmır.
Fələstin Qırmızı Aypara Cəmiyyəti (PRCS) öz işçilərinin cəsədlərinin, Qəzzada Hamasın nəzarət etdiyi mülki müdafiə agentliyinin altı üzvü və bir BMT işçisi ilə birgə tapıldığını açıqlayıb. Lakin, karvanın kim tərəfindən atəşə tutulduğuna dair hər hansı bir məlumat verməyiblər. Hamas, bu hücumu İsrail Müdafiə Qüvvələri (IDF) tərəfindən həyata keçirildiyini iddia edib. BBC isə, bu məsələyə dair İsrail Müdafiə Qüvvələrindən rəsmi açıqlama almağa çalışıb.
Bazar günü IFRC-nin yaydığı bəyanatda,səkkiz cəsədin tapıldığı bildirilir. Təşkilat, həyatını itirənlərin təcili yardım işçiləri Mustafa Xufaqa, Saleh Muamer və Ezzedine Şat həmçinin birinci yardım könüllüləri Muhammed Bahlul,Muhammed al-Heila, Aşraf Abu Lab, Red al-Şarif və Rifat Radvan olduğunu açıqlayıb. Bundan əlavə, təcili yardım işçisi Asad Al-Nassasranın hələ də itkin olduğu bildirilib.
“Təcili yardım işçiləri yaralı insanlara kömək edirdilər. Onlar öz missiyalarını yerinə yetirirdilər,” deyə IFRC-nin Baş Katibi Caqan Şampaqin bildirib.
“Təcili yardım maşınları açıq şəkildə işarələnmişdi.Ən mürəkkəb münaqişə zonalarında belə təcili yardımlar var. Beynəlxalq Humanitar Hüquqda bildirilir ki,mülki şəxslər, humanitar işçilər qorunmalı və sağlamlıq xidmətləri toxunulmaz olmalıdır.”
IDF, Qırmızı Xaç və Qırmızı Aypara təşkilatlarından hələ də açıqlama gəlməyib.
AFP xəbər agentliyi isə şənbə günü İsrail hərbçilərinin cənubi Qəzzada təcili yardım maşınlarına atəş açdıqlarını bildirib.
İsrail ordusu, “şübhəli vasitə” olaraq tanınan təcili yardım maşınlarına atəş açdıqlarını açıqlayıb. Ordunun məlumatına görə, bu əməliyyat nəticəsində bir neçə Hamas üzvü məhv edilib. Hərbçilər, bir neçə dəqiqə sonra digər şübhəli vasitələrin hərəkət etməsi səbəbilə, həmin vasitələrə də atəş açıldığını və bunun nəticəsində bir neçə Hamas və İslam Cihad terrorçusunun öldürüldüyünü bildirib. Ordunun bəyanatında həmçinin, Qəzzadakı terror təşkilatlarının təcili yardım və yanğınsöndürən maşınlarını daim terror məqsədləri üçün istifadə etdikləri vurğulanıb.
Hamasın yüksək vəzifəli rəsmisi Basem Naim, İsrailin Qəzzaya qarşı həyata keçirdiyi hücumu qəti şəkildə pisləyib. O, cəsədlərin hədəf alınmasının beynəlxalq humanitar hüquqla qorunan pozuntu olduğunu və bunun Cenevrə Konvensiyalarını açıq şəkildə pozan müharibə cinayəti olduğunu bildirib. İsrail, 18 martda Qəzzadakı hərbi əməliyyatları yenidən bərpa edib. Yanvarda başlayan atəşkəs müqaviləsindən sonra ikinci mərhələnin danışıqları pozulmuşdu. Bu dövr ərzində, İsrailin hücumları nəticəsində Qəzzada 900-dən çox insanın həyatını itirdiyi, Hamasın rəhbərlik etdiyi sağlamlıq nazirliyi tərəfindən açıqlanıb.
7 oktyabr 2023-cü ildə Hamasın cənubi İsraili hücuma məruz qoyması nəticəsində təxminən 1200 nəfər həyatını itirdi və 251 nəfər əsir götürüldü. İsrail bu hücuma cavab olaraq böyük hərbi əməliyyat başlatdı və bu əməliyyat nəticəsində 50000-dən çox fələstinli həyatını itirdi, deyə Qəzzanın Hamas tərəfindən idarə olunan sağlamlıq nazirliyi məlumat verib.
Mədinə Məmmədova//EDnews
