Azərbaycan və Belarus arasında ticarət həcminin 400 milyondan 1 milyarda çatmağı hədəfləyir. Ümumiyyətlə, iki ölkə arasında hansı ticarət əlaqələri mövcuddur? Görüşdə əsas məqsədi iqtisadi əməkdaşlıq idi, yoxsa siyasi mövzulara da toxunuldu?

Məsələ ilə bağlı iqtisadçı Natiq Cəfərli Ednews-a açıqlaması zamanı bildirdi ki, Azərbaycanla Belarus arasında ənənəvi olaraq kənd təsərrüffatı aqrar texnika, enerji daşıyıcıları və bir çox başqa sahələr üzrə ənnəvi əməkdaşlıq həmişə olub:

“İndi də yeni bir sıra sənədlər imzalandı. Bu sənədlərə görə, birgə gübrə istehsalı nəzərdə tutulub. Xatırladım ki, Belarus Avropanın ən böyük gübrə istehsalçılarından biridir və yaxşı texniki bazası, imkanları, mütəxəssisləri var. Belarusla birgə gübrə istehsalına başlanması Azərbaycan üçün Avropa bazarına, dünya bazarına gübrənin çıxarılmasında böyük üstünlük yarada bilər. Çünki dünyada ciddi tələbat var. Rusiya sanksiyalar altında olduğuna görə Rusiya gübrələrinin satışında müəyyən məhdudiyyətlər var. Onlar daha çox Çin bazarına yönəlib və ona görə də hələlik Belarus yeri gəlmişkən gübrə istehsalında sanksiyalar yoxdu, onlar Avropaya və dünyaya sata bilirlər. İndi Azərbaycanla birgə istehsalı Azərbaycan üzərindən daha rahat şəkildə dünya bazarına gübrənin çıxarılması və satılması mümkün ola bilər. Bundan başqa aqrar sahədə traktor və digər kənd təsərrüfatı ləvazimatının istehsalı üzrə artıq təcrübə var. Bu təcrübənin genişləndirilməsi bağlı da qərar verildi. Bütün bunların iki ölkə arasında olan ticarət həcminin artmasında əsas rolu olacaq”.

Xəyal Ramiz